വടകര: ബാങ്ക് ഓഫ് മഹാരാഷ്ട്ര പണയ സ്വര്‍ണ തട്ടിപ്പ് കേസില്‍ നഷ്ടപ്പെട്ട ഒന്നേമുക്കാല്‍ കിലോ സ്വര്‍ണം കൂടി പോലീസ് 
കണ്ടെടുത്തു. വടകര സിഐ എന്‍.സുനില്‍കുമാറിന്റെ നേതൃത്വത്തില്‍ തമിഴ്‌നാട് തിരുപ്പൂര്‍ ഭാഗത്തെ കാത്തോലിക് സിറിയന്‍ ബാങ്കിന്റെ (സിഎസ്ബി) നാലു ശാഖകളില്‍ നിന്നാണ് പണയ സ്വര്‍ണം കണ്ടെടുത്തത്.
സിഎസ്ബി തിരുപ്പൂര്‍ മെയിന്‍ ബ്രാഞ്ച്, കാങ്കയം ബ്രാഞ്ച്, കാങ്കയം റോഡ് ബ്രാഞ്ച്, പി എന്‍ റോഡ് ബ്രാഞ്ച് എന്നിവിടങ്ങളില്‍ നിന്നാണ് പണയ സ്വര്‍ണം വീണ്ടെടുത്തത്. ഈ കേസിലെ പ്രതി മഹാരാഷ്ട്ര ബാങ്ക് വടകര ശാഖ മാനേജരായിരുന്ന മധ ജയകുമാര്‍ ഇയാളുടെ സുഹൃത്തുക്കളായ ബിനാമികളുടെ പേരിലാണ് സിഎസ്ബിയില്‍ തട്ടിപ്പ് സ്വര്‍ണം പണയപ്പെടുത്തിയത്. ഇതിലൂടെ ലഭിച്ച പണം പ്രതിയുടെ ബാങ്ക് അക്കൗണ്ടുകളിലേക്കാണ് എത്തിയത്. ബാങ്ക് ഓഫ് മഹാരാഷ്ട്ര വടകര ശാഖയില്‍ നിന്നു നഷ്ടപ്പെട്ട 26.244 കിലോഗ്രാം സ്വര്‍ണത്തില്‍ 5 കിലോ 300 ഗ്രാം നേരത്തെ വിദേശ ബാങ്കായ ഡെവലപ്പ്‌മെന്റ് ബാങ്ക് ഓഫ് സിംഗപ്പൂരിന്റെ രണ്ടു
ബ്രാഞ്ചുകളില്‍ നിന്നായി പോലീസ് റിക്കവറി നടത്തി കോടതിയില്‍ ഹാജരാക്കിയിരുന്നു.
പ്രതി മധ ജയകുമാര്‍ ജുഡീഷ്യല്‍ കസ്റ്റഡിയിലാണുള്ളത്. പ്രതിക്ക് തിരുപ്പൂരില്‍ സ്വര്‍ണം പണയം വെക്കാന്‍ സഹായം നല്‍കിയ കാര്‍ത്തിക് എന്നയാളെ കണ്ടെത്താന്‍ ഇതേവരെ കഴിഞ്ഞിട്ടില്ല. ഇയാള്‍ മുന്‍കൂര്‍ ജാമ്യത്തിനായി കോഴിക്കോട് ജില്ലാ സെഷന്‍സ് കോടതിയെ സമീപിച്ചിരുന്നെങ്കിലും ജാമ്യാപേക്ഷ കോടതി തള്ളിയിരുന്നു. കാര്‍ത്തികിനെ പിടികൂടിയാല്‍ മാത്രമേ മധ ജയകുമാറിനെ ഇനി പോലീസ് കസ്റ്റഡിയില്‍ വാങ്ങുകയുള്ളൂ. ബാക്കിയുള്ള സ്വര്‍ണം കൂടി കണ്ടെത്തണമെങ്കില്‍ ഇരുവരെയും ഒന്നിച്ച് തെളിവെടുപ്പിന് എത്തിക്കണം. കാര്‍ത്തികിനെ കണ്ടെത്താനും പോലീസ് അന്വേഷണം ഊര്‍ജ്ജിതമാക്കിയിട്ടുണ്ട്.
കോഴിക്കോട് റൂറല്‍ ജില്ലാ ക്രൈം ബ്രാഞ്ച് ഡിവൈഎസ്പി ജി.ബാലചന്ദ്രന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. സ്വര്‍ണം വീണ്ടെടുക്കാന്‍ തിരുപ്പൂരില്‍ പോയ സംഘത്തില്‍ എസ് ഐമാരായ ബിജു വിജയന്‍, മനോജ്കുമാര്‍,
എഎസ്‌ഐ രാജേഷ് എന്നിവരും ഉണ്ടായിരുന്നു. കണ്ടെടുത്ത സ്വര്‍ണ്ണം ഇന്ന് (വ്യാഴം) വടകര ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയില്‍ ഹാജരാക്കും.
കണ്ടെടുത്തു. വടകര സിഐ എന്‍.സുനില്‍കുമാറിന്റെ നേതൃത്വത്തില്‍ തമിഴ്‌നാട് തിരുപ്പൂര്‍ ഭാഗത്തെ കാത്തോലിക് സിറിയന്‍ ബാങ്കിന്റെ (സിഎസ്ബി) നാലു ശാഖകളില്‍ നിന്നാണ് പണയ സ്വര്‍ണം കണ്ടെടുത്തത്.സിഎസ്ബി തിരുപ്പൂര്‍ മെയിന്‍ ബ്രാഞ്ച്, കാങ്കയം ബ്രാഞ്ച്, കാങ്കയം റോഡ് ബ്രാഞ്ച്, പി എന്‍ റോഡ് ബ്രാഞ്ച് എന്നിവിടങ്ങളില്‍ നിന്നാണ് പണയ സ്വര്‍ണം വീണ്ടെടുത്തത്. ഈ കേസിലെ പ്രതി മഹാരാഷ്ട്ര ബാങ്ക് വടകര ശാഖ മാനേജരായിരുന്ന മധ ജയകുമാര്‍ ഇയാളുടെ സുഹൃത്തുക്കളായ ബിനാമികളുടെ പേരിലാണ് സിഎസ്ബിയില്‍ തട്ടിപ്പ് സ്വര്‍ണം പണയപ്പെടുത്തിയത്. ഇതിലൂടെ ലഭിച്ച പണം പ്രതിയുടെ ബാങ്ക് അക്കൗണ്ടുകളിലേക്കാണ് എത്തിയത്. ബാങ്ക് ഓഫ് മഹാരാഷ്ട്ര വടകര ശാഖയില്‍ നിന്നു നഷ്ടപ്പെട്ട 26.244 കിലോഗ്രാം സ്വര്‍ണത്തില്‍ 5 കിലോ 300 ഗ്രാം നേരത്തെ വിദേശ ബാങ്കായ ഡെവലപ്പ്‌മെന്റ് ബാങ്ക് ഓഫ് സിംഗപ്പൂരിന്റെ രണ്ടു
ബ്രാഞ്ചുകളില്‍ നിന്നായി പോലീസ് റിക്കവറി നടത്തി കോടതിയില്‍ ഹാജരാക്കിയിരുന്നു.പ്രതി മധ ജയകുമാര്‍ ജുഡീഷ്യല്‍ കസ്റ്റഡിയിലാണുള്ളത്. പ്രതിക്ക് തിരുപ്പൂരില്‍ സ്വര്‍ണം പണയം വെക്കാന്‍ സഹായം നല്‍കിയ കാര്‍ത്തിക് എന്നയാളെ കണ്ടെത്താന്‍ ഇതേവരെ കഴിഞ്ഞിട്ടില്ല. ഇയാള്‍ മുന്‍കൂര്‍ ജാമ്യത്തിനായി കോഴിക്കോട് ജില്ലാ സെഷന്‍സ് കോടതിയെ സമീപിച്ചിരുന്നെങ്കിലും ജാമ്യാപേക്ഷ കോടതി തള്ളിയിരുന്നു. കാര്‍ത്തികിനെ പിടികൂടിയാല്‍ മാത്രമേ മധ ജയകുമാറിനെ ഇനി പോലീസ് കസ്റ്റഡിയില്‍ വാങ്ങുകയുള്ളൂ. ബാക്കിയുള്ള സ്വര്‍ണം കൂടി കണ്ടെത്തണമെങ്കില്‍ ഇരുവരെയും ഒന്നിച്ച് തെളിവെടുപ്പിന് എത്തിക്കണം. കാര്‍ത്തികിനെ കണ്ടെത്താനും പോലീസ് അന്വേഷണം ഊര്‍ജ്ജിതമാക്കിയിട്ടുണ്ട്.
കോഴിക്കോട് റൂറല്‍ ജില്ലാ ക്രൈം ബ്രാഞ്ച് ഡിവൈഎസ്പി ജി.ബാലചന്ദ്രന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. സ്വര്‍ണം വീണ്ടെടുക്കാന്‍ തിരുപ്പൂരില്‍ പോയ സംഘത്തില്‍ എസ് ഐമാരായ ബിജു വിജയന്‍, മനോജ്കുമാര്‍,
എഎസ്‌ഐ രാജേഷ് എന്നിവരും ഉണ്ടായിരുന്നു. കണ്ടെടുത്ത സ്വര്‍ണ്ണം ഇന്ന് (വ്യാഴം) വടകര ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയില്‍ ഹാജരാക്കും.
