രാജി പ്രഖ്യാപനവുമായി മമത ബാനർജി രംഗത്ത്

കൊൽക്കത്ത: കൊൽക്കത്തയിലെ വനിതാ ഡോക്ടറുടെ കൊലപാതകത്തിൽ പ്രതിഷേധിച്ചുള്ള ഡോക്ടർമാരുടെ സമരം ഒത്തുതീർപ്പാകാത്തതിനെ തുടർന്ന് രാജി വയ്ക്കാൻ തയ്യാറെന്ന പ്രഖ്യാപനവുമായി മുഖ്യമന്ത്രി മമത ബാനർജി രംഗത്ത്. സമരം ഒത്തുതീർപ്പാക്കാനായി ഡോക്ടർമാരെ നിരന്തരം ചർച്ചയ്ക്ക് വിളിച്ചിട്ടും അവർ ചർച്ചക്ക് എത്താത്തതിനെ തുടർന്നാണ് മമത, രാജിക്കും തയ്യാറെന്ന പ്രതികരണവുമായി രംഗത്തെത്തിയത്.

മു​ഖ്യ​മ​ന്ത്രി​യു​മാ​യു​ള്ള ച​ർ​ച്ച ത​ത്സ​മ​യം സം​പ്രേ​ക്ഷ​ണം ചെ​യ്യ​ണ​മെ​ന്നാ​യി​രു​ന്നു ഡോ​ക്ട​ർ​മാ​രു​ടെ ആ​വ​ശ്യം. എ​ന്നാ​ൽ സ​ർ​ക്കാ​ർ ഈ ​ആ​വ​ശ്യം നി​രാ​ക​രി​ച്ചു. ഇ​തോ​ടെ​യാ​ണ് ച​ർ​ച്ച വ​ഴി​മു​ട്ടി​യ​ത്. ജൂ​ണി​യ​ർ ഡോ​ക്ട​ർ​മാ​രു​മാ​യു​ള്ള ച​ർ​ച്ച വീ​ഡി​യോ​യി​ല്‍ ചി​ത്രീ​ക​രി​ക്കാ​മെ​ന്നും സു​പ്രീം​കോ​ട​തി​യു​ടെ നി​ർ​ദേ​ശ​ത്തോ​ടെ കൈ​മാ​റാ​മെ​ന്നു​മാ​ണു സ​ർ​ക്കാ​ർ നി​ല​പാ​ട്.

വ്യാ​ഴാ​ഴ്ച ഉച്ചക്ക് ഡോക്ടർമാരെ മുഖ്യമന്ത്രി ചർച്ചക്ക് വിളിച്ചിരുന്നു. രണ്ട് മണിക്കൂറിലേറെ മുഖ്യമന്ത്രി കാത്തിരുന്നിട്ടും ഡോക്ടർമാർ എത്തിയില്ല. പിന്നാലെ നടത്തിയ വാർത്താ സമ്മേളനത്തിലാണ് മമത രാജി സന്നദ്ധത അറിയിച്ചത്. ജനങ്ങളുടെ താൽപര്യം കണക്കിലെടുത്ത് രാജിക്ക് തയ്യാറാണെന്നാണ് മുഖ്യമന്ത്രി വ്യക്തമാക്കിയത്.