വേളം: ഗ്രാമപഞ്ചായത്ത് ഗവ. ആയുർവേദ ഡിസ്പെന്സറിയുടെ ആഭിമുഖ്യത്തിൽ കേരള സർക്കാരിന്റെ നൂറ് ദിന കർമ്മപരിപാടിയുടെ ഭാഗമായി വയോജനങ്ങൾക്കുള്ള മെഡിക്കൽ ക്യാമ്പ് പൂളക്കൂലിൽ നടന്നു. നാഷണൽ ആയുഷ് മിഷൻ, ഭാരതീയ ചികിത്സാ വകുപ്പ്, വേളം ഗ്രാമപഞ്ചായത്ത് എന്നിവയുടെ സംയുക്ത ആഭിമുഖ്യത്തിലാണ് ക്യാമ്പ് സംഘടിപ്പിച്ചത്.
വേളം ഗ്രാമപഞ്ചായത്ത് വൈസ് പ്രസിഡന്റ് കെ സി ബാബു ക്യാമ്പ് ഉദ്ഘാടനം ചെയ്തു.
വാർഡ് മെമ്പർ കിണറുള്ളത്തിൽ അസീസ് അധ്യക്ഷത വഹിച്ചു. മർമ്മവിഭാഗം, അസ്ഥിരോഗവിഭാഗം, നേത്രരോഗവിഭാഗം, പഞ്ചകർമ്മ എന്നീ വിഭാഗങ്ങളിലെ സ്പെഷ്യലിസ്റ് ഡോക്ടർമാർ ക്യാമ്പിൽ രോഗികളെ പരിശോധിച്ചു.ഡോക്ടർ മാരായ. ടി.പി ശ്രുതി, വിപി സജിത്ത്, കെ അനീഷ് കുമാർ, പി.ടി രേഷ്മ , അഞ്ജു എന്നിവർ ക്യാമ്പിന് നേതൃത്വം നൽകി.
