തിരുവനന്തുരം: യുവതിയുടെ പരാതിയില്‍ അന്വേഷണം നേരിടുന്ന മുകേഷ് എംഎല്‍എ സ്ഥാനം രാജി വെക്കണമെന്ന ആവശ്യം 
അംഗീകരിക്കാതെ കെ.കെ.ശൈലജ എംഎല്‍എയും. എല്‍ഡിഎഫ് കണ്‍വീനര്‍ ഇ.പി.ജയരാജന് പിന്നാലെയാണ് കെ.കെ.ശൈലജയും രംഗത്തെത്തിയത്. സമാനമായ ആരോപണം ഉയര്‍ന്നപ്പോള്‍ കോണ്‍ഗ്രസിന്റെ രണ്ട് എംഎല്‍എമാര്‍ രാജിവെക്കാത്തത് ചൂണ്ടികാണിച്ചാണ് കെ.കെ.ശൈലജ മുകേഷിനായി പ്രതിരോധം തീര്‍ത്തിരിക്കുന്നത്.
കുറ്റം ചെയ്‌തെന്ന് കണ്ടെത്തിയാല്‍ മുകേഷിന് എംഎല്‍എയായി തുടരാനാകില്ലെന്നും അതിനുമുമ്പെ രാജിവെക്കണമെന്ന് പറയാന്‍ പറ്റില്ലെന്നും കെ.കെ.ശൈലജ പറഞ്ഞു. ഹേമ കമ്മിറ്റി റിപ്പോര്‍ട്ടില്‍ മുഖം നോക്കാതെ നടപടിയുണ്ടാകുമെന്നാണ് മുഖ്യമന്ത്രിയടക്കം വ്യക്തമാക്കിയത്. ഇതിനുപുറമെ സിനിമ ഷൂട്ടിങ് സെറ്റുകളില്‍ ഐസിസി രൂപീകരിക്കാനും സര്‍ക്കാര്‍ തീരുമാനമെടുത്തിരുന്നു. ഇപ്പോള്‍ ഹേമ കമ്മിറ്റി റിപ്പോര്‍ട്ട് പുറത്തുവന്നതിന് പിന്നാലെ ആരോപണങ്ങള്‍ അന്വേഷിക്കാന്‍ പ്രത്യേക അന്വേഷണ
സംഘത്തെയും സര്‍ക്കാര്‍ നിയോഗിച്ചു. പ്രത്യേക അന്വേഷണ സംഘം കണ്ടെത്തുന്ന കുറ്റകൃത്യങ്ങള്‍ക്ക് അനുസരിച്ചായിരിക്കും തുടര്‍നടപടി. കുറ്റവാളിയാണെന്ന് പ്രാഥമികമായി കണ്ടെത്തിയാല്‍ സര്‍ക്കാര്‍ ആരെയും സംരക്ഷിക്കില്ല. ആരോടും പക്ഷഭേദം കാണിക്കില്ല. ആരായാലും പരാതിയില്‍ കഴമ്പുണ്ടെന്ന് തെളിഞ്ഞാല്‍ സര്‍ക്കാര്‍ പെണ്‍കുട്ടികള്‍ക്കൊപ്പമായിരിക്കും. അന്വേഷണം നടക്കട്ടെയെന്നും തെളിവുകള്‍ പുറത്തുവരട്ടെയെന്നും കെ.കെ.ശൈലജ പറഞ്ഞു. നേരത്തെയും ചിലര്‍ക്കെതിരെ ആരോപണം ഉണ്ടായപ്പോള്‍ എംഎല്‍എയായി തുടര്‍ന്നാണല്ലോ അന്വേഷണം നേരിട്ടതെന്നും കോണ്‍ഗ്രസ് എംഎല്‍എമാര്‍ക്കെതിരായ ആരോപണത്ത ഉദ്ദേശിച്ച് കെ.കെ.ശൈലജ പറഞ്ഞു. ശരിയായ ഘട്ടത്തില്‍ സര്‍ക്കാര്‍ നടപടിയെടുക്കും. ആരോപണം കേട്ടയുടനെ മുകേഷ് രാജിവെക്കണമെന്ന് പറയാന്‍ പറ്റില്ല. നിയമപരമായ കാര്യങ്ങള്‍ പരിശോധിച്ചശേഷമേ രാജിയുടെ കാര്യം പറയാനാകൂവെന്നും കെ.കെ.ശൈലജ വ്യക്തമാക്കി.
അംഗീകരിക്കാതെ കെ.കെ.ശൈലജ എംഎല്‍എയും. എല്‍ഡിഎഫ് കണ്‍വീനര്‍ ഇ.പി.ജയരാജന് പിന്നാലെയാണ് കെ.കെ.ശൈലജയും രംഗത്തെത്തിയത്. സമാനമായ ആരോപണം ഉയര്‍ന്നപ്പോള്‍ കോണ്‍ഗ്രസിന്റെ രണ്ട് എംഎല്‍എമാര്‍ രാജിവെക്കാത്തത് ചൂണ്ടികാണിച്ചാണ് കെ.കെ.ശൈലജ മുകേഷിനായി പ്രതിരോധം തീര്‍ത്തിരിക്കുന്നത്.കുറ്റം ചെയ്‌തെന്ന് കണ്ടെത്തിയാല്‍ മുകേഷിന് എംഎല്‍എയായി തുടരാനാകില്ലെന്നും അതിനുമുമ്പെ രാജിവെക്കണമെന്ന് പറയാന്‍ പറ്റില്ലെന്നും കെ.കെ.ശൈലജ പറഞ്ഞു. ഹേമ കമ്മിറ്റി റിപ്പോര്‍ട്ടില്‍ മുഖം നോക്കാതെ നടപടിയുണ്ടാകുമെന്നാണ് മുഖ്യമന്ത്രിയടക്കം വ്യക്തമാക്കിയത്. ഇതിനുപുറമെ സിനിമ ഷൂട്ടിങ് സെറ്റുകളില്‍ ഐസിസി രൂപീകരിക്കാനും സര്‍ക്കാര്‍ തീരുമാനമെടുത്തിരുന്നു. ഇപ്പോള്‍ ഹേമ കമ്മിറ്റി റിപ്പോര്‍ട്ട് പുറത്തുവന്നതിന് പിന്നാലെ ആരോപണങ്ങള്‍ അന്വേഷിക്കാന്‍ പ്രത്യേക അന്വേഷണ
സംഘത്തെയും സര്‍ക്കാര്‍ നിയോഗിച്ചു. പ്രത്യേക അന്വേഷണ സംഘം കണ്ടെത്തുന്ന കുറ്റകൃത്യങ്ങള്‍ക്ക് അനുസരിച്ചായിരിക്കും തുടര്‍നടപടി. കുറ്റവാളിയാണെന്ന് പ്രാഥമികമായി കണ്ടെത്തിയാല്‍ സര്‍ക്കാര്‍ ആരെയും സംരക്ഷിക്കില്ല. ആരോടും പക്ഷഭേദം കാണിക്കില്ല. ആരായാലും പരാതിയില്‍ കഴമ്പുണ്ടെന്ന് തെളിഞ്ഞാല്‍ സര്‍ക്കാര്‍ പെണ്‍കുട്ടികള്‍ക്കൊപ്പമായിരിക്കും. അന്വേഷണം നടക്കട്ടെയെന്നും തെളിവുകള്‍ പുറത്തുവരട്ടെയെന്നും കെ.കെ.ശൈലജ പറഞ്ഞു. നേരത്തെയും ചിലര്‍ക്കെതിരെ ആരോപണം ഉണ്ടായപ്പോള്‍ എംഎല്‍എയായി തുടര്‍ന്നാണല്ലോ അന്വേഷണം നേരിട്ടതെന്നും കോണ്‍ഗ്രസ് എംഎല്‍എമാര്‍ക്കെതിരായ ആരോപണത്ത ഉദ്ദേശിച്ച് കെ.കെ.ശൈലജ പറഞ്ഞു. ശരിയായ ഘട്ടത്തില്‍ സര്‍ക്കാര്‍ നടപടിയെടുക്കും. ആരോപണം കേട്ടയുടനെ മുകേഷ് രാജിവെക്കണമെന്ന് പറയാന്‍ പറ്റില്ല. നിയമപരമായ കാര്യങ്ങള്‍ പരിശോധിച്ചശേഷമേ രാജിയുടെ കാര്യം പറയാനാകൂവെന്നും കെ.കെ.ശൈലജ വ്യക്തമാക്കി.
