വടകര: വിലങ്ങാട് ദുരന്തത്തിന്റെ വ്യാപ്തി കൃത്യമായി പഠിച്ച് യുദ്ധകാലാടിസ്ഥാനത്തില്‍ പുനര്‍ നിര്‍മിതി പൂര്‍ത്തിയാക്കണമെന്ന് 
മുന്‍ കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ ആവശ്യപെട്ടു. വയനാട്ടിലെ ഭീകര ദുരന്തത്തിനിടയില്‍ വിലങ്ങാട് ദുരന്തത്തിന്റെ വ്യാപ്തി അല്പം പോലും കുറച്ചു കാണാന്‍ കഴിയില്ല. ജനജീവിതം അതീവ ദുഷ്‌കരമായിരിക്കുന്നു. 300 ലേറെ വീട് താമസയോഗ്യമല്ലാത്ത അപകട അവസ്ഥയിലാണെന്ന് റിപ്പോര്‍ട്ടുകള്‍ സൂചിപ്പിക്കുന്നു. ഹതഭാഗ്യരായവര്‍ക്ക് വീടുകള്‍ നിര്‍മിച്ചു നല്‍കാനുള്ള നടപടികള്‍ ഉടനടി തുടങ്ങണം. വിലങ്ങാട് ദുരന്തം പഠിക്കാന്‍ വിദഗ്ധ സംഘം വീണ്ടും വരാന്‍ പോവുകയാണ്. ദുരന്തങ്ങള്‍ ആവര്‍ത്തിക്കപ്പെടാതിരിക്കാനുള്ള നടപടികളെക്കുറിച്ച് സത്യസന്ധമായി റിപ്പോര്‍ട്ടില്‍ രേഖപ്പെടുത്തണം. കേവലമൊരു സര്‍ക്കാര്‍ വിലാസം സംഘമായി അത് മാറരുത്. വിലങ്ങാട് പരിസ്ഥിതി ദുര്‍ബല പ്രദേശമാണെന്ന സത്യം മറന്ന് പഠനം നടത്തരുത്. പ്രധാനമന്ത്രിയെ വീണ്ടും കാണാന്‍ മുഖ്യമന്ത്രി തയ്യാറാകുന്നത് സ്വാഗതാര്‍ഹമാണ്. വിലങ്ങാട് ദുരന്തവും ഇതോടൊപ്പം അവതരിപ്പിക്കണം. കേരളത്തിലെ മുഴുവന്‍ എംപിമാരും മുഖ്യമന്ത്രിയോടൊപ്പം പ്രധാനമന്ത്രിയെ കണ്ടാല്‍ ദുരന്ത നിവാരണ 
നിയമത്തിന്റെ പരിധിക്കുള്ളില്‍ നിന്ന് കൊണ്ടു തന്നെ കേരളത്തിന് പ്രത്യേക പാക്കേജ് അംഗീകരിപ്പിക്കാന്‍ കഴിയും. കാലവിളംബം ദുരന്ത പരിഹാരത്തിന് സഹായകമാവില്ലെന്ന കാര്യം പ്രത്യേകമായി സര്‍ക്കാര്‍ തിരിച്ചറിയണമെന്ന് മുല്ലപ്പളളി പറഞ്ഞു
മുന്‍ കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ ആവശ്യപെട്ടു. വയനാട്ടിലെ ഭീകര ദുരന്തത്തിനിടയില്‍ വിലങ്ങാട് ദുരന്തത്തിന്റെ വ്യാപ്തി അല്പം പോലും കുറച്ചു കാണാന്‍ കഴിയില്ല. ജനജീവിതം അതീവ ദുഷ്‌കരമായിരിക്കുന്നു. 300 ലേറെ വീട് താമസയോഗ്യമല്ലാത്ത അപകട അവസ്ഥയിലാണെന്ന് റിപ്പോര്‍ട്ടുകള്‍ സൂചിപ്പിക്കുന്നു. ഹതഭാഗ്യരായവര്‍ക്ക് വീടുകള്‍ നിര്‍മിച്ചു നല്‍കാനുള്ള നടപടികള്‍ ഉടനടി തുടങ്ങണം. വിലങ്ങാട് ദുരന്തം പഠിക്കാന്‍ വിദഗ്ധ സംഘം വീണ്ടും വരാന്‍ പോവുകയാണ്. ദുരന്തങ്ങള്‍ ആവര്‍ത്തിക്കപ്പെടാതിരിക്കാനുള്ള നടപടികളെക്കുറിച്ച് സത്യസന്ധമായി റിപ്പോര്‍ട്ടില്‍ രേഖപ്പെടുത്തണം. കേവലമൊരു സര്‍ക്കാര്‍ വിലാസം സംഘമായി അത് മാറരുത്. വിലങ്ങാട് പരിസ്ഥിതി ദുര്‍ബല പ്രദേശമാണെന്ന സത്യം മറന്ന് പഠനം നടത്തരുത്. പ്രധാനമന്ത്രിയെ വീണ്ടും കാണാന്‍ മുഖ്യമന്ത്രി തയ്യാറാകുന്നത് സ്വാഗതാര്‍ഹമാണ്. വിലങ്ങാട് ദുരന്തവും ഇതോടൊപ്പം അവതരിപ്പിക്കണം. കേരളത്തിലെ മുഴുവന്‍ എംപിമാരും മുഖ്യമന്ത്രിയോടൊപ്പം പ്രധാനമന്ത്രിയെ കണ്ടാല്‍ ദുരന്ത നിവാരണ നിയമത്തിന്റെ പരിധിക്കുള്ളില്‍ നിന്ന് കൊണ്ടു തന്നെ കേരളത്തിന് പ്രത്യേക പാക്കേജ് അംഗീകരിപ്പിക്കാന്‍ കഴിയും. കാലവിളംബം ദുരന്ത പരിഹാരത്തിന് സഹായകമാവില്ലെന്ന കാര്യം പ്രത്യേകമായി സര്‍ക്കാര്‍ തിരിച്ചറിയണമെന്ന് മുല്ലപ്പളളി പറഞ്ഞു
