കോഴിക്കോട്: ബുദ്ധിപരമായ വെല്ലുവിളി നേരിടുന്നവര്‍ക്കായി നവംബര്‍ 1, 2, 3 തിയ്യതികളില്‍ കോഴിക്കോട് നടക്കുന്ന സ്‌പെഷ്യല്‍ ഒളിമ്പിക്‌സ് സംസ്ഥാന മീറ്റിന്റെ സംഘാടക സമിതി ഓഫീസ് എരഞ്ഞിപ്പാലം നായനാര്‍ ബാലിക സദനത്തില്‍ മേയര്‍ ബീന 
ഫിലിപ്പ് ഉദ്ഘാടനം ചെയ്തു.
നായനാര്‍ ബാലിക സദനത്തിലെ ഗാന്ധിജിയുടെ ചിതാഭസ്മം സൂക്ഷിച്ച സ്മൃതിമണ്ഡപത്തില്‍ മേയര്‍ ഭദ്രദീപം തെളിയിച്ചു പരിപാടിക്ക് തുടക്കം കുറിച്ചു.
ജില്ലയിലെ ഭിന്നശേഷി വിദ്യാഭ്യാസമേഖലയിലെ സേവനദാതാക്കളായ സ്‌പെഷ്യല്‍ സ്‌കൂള്‍, ബഡ്‌സ് സ്‌കൂള്‍, സമഗ്ര ശിക്ഷ കേരള എന്നിവയുടെ പ്രതിനിധികള്‍ക്കായി പരിശീലനവും നടന്നു.
ജില്ലയില്‍ ബുദ്ധിപരമായ വെല്ലുവിളി നേരിടുന്ന മുഴുവന്‍ വ്യക്തികളെയും സ്‌പെഷ്യല്‍ ഒളിംപിക്‌സിന്റെ ഭാഗമാക്കുന്നതിന് ആവശ്യമായ പ്രവര്‍ത്തനങ്ങള്‍ നടത്താന്‍ തീരുമാനിച്ചു. സ്‌പെഷ്യല്‍ ഒളിംപിക്‌സ് സംസ്ഥാന പ്രസിഡന്റും സംഘാടക സമിതി ജനറല്‍ കണ്‍വീനറുമായ ഡോ. എം കെ ജയരാജ് അധ്യക്ഷത വഹിച്ചു. കോര്‍പ്പറേഷന്‍ സ്റ്റാന്‍ഡിങ് കമ്മിറ്റി ചെയര്‍മാന്‍മാരായ പി ദിവാകരന്‍, എസ് ജയശ്രീ, പി സി രാജന്‍, പി കെ നാസര്‍, മുന്‍ മേയര്‍ ടി പി ദാസന്‍, ജില്ലാ സാമൂഹ്യനീതി ഓഫീസര്‍ അഞ്ജു മോഹന്‍, 
പ്രൊഫ. സി കെ ഹരീന്ദ്രനാഥ്, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡണ്ട് ഒ രാജഗോപാല്‍, മുഹമ്മദ് യൂനസ്, പി കെ എം സിറാജ്, ഉമ്മര്‍ കെ എം, അജ്‌നാസ് കോളിക്കല്‍, എ അഭിലാഷ് ശങ്കര്‍, പി തങ്കമണി എന്നിവര്‍ സംസാരിച്ചു.
