വേളം: ഗ്രാമ പഞ്ചായത്തില്‍ ജല ജീവന്‍ മിഷന്‍ പൈപ്പിടലിന്റെ ഭാഗമായി പൊട്ടിപ്പൊളിച്ച റോഡുകള്‍ ഉടന്‍ 
നന്നാക്കണമെന്നാവശ്യപ്പെട്ട് 13ന് വടകര വാട്ടര്‍ അതോറിട്ടി ഓഫിസിനു മുന്നില്‍ പഞ്ചായത്തിലെ മുഴുവന്‍ ജനപ്രതിനിധികളും ധര്‍ണ നടത്താന്‍ തീരുമാനിച്ചതായി പ്രസിഡന്റ് നയീമ കുളമുള്ളതില്‍ അറിയിച്ചു. ഒന്നര വര്‍ഷമായി പഞ്ചായത്തിലെ നിരവധി റോഡുകളില്‍ പൈപ്പിടാന്‍ കുഴിച്ച ചാലുകള്‍ ജനങ്ങളെ ദുരിതത്തിലാഴ്ത്തിയിരിക്കുകയാണ്. ശക്തമായ മഴ പെയ്തതോടെ ഗ്രാമീണ റോഡുകളാകെ തകര്‍ന്നിരിക്കയാണ്. കഴിഞ്ഞ ജനുവരിയില്‍ പഞ്ചായത്ത് പ്രസിഡന്റിന്റെ അധ്യക്ഷതയില്‍ ജനപ്രതിനിധികള്‍, വാട്ടര്‍ അതോറിറ്റി ഉദ്യോഗസ്ഥര്‍, കരാറുകാരന്‍ തുടങ്ങിയവരുടെ യോഗം ചേര്‍ന്നിരുന്നു. പൊളിച്ച റോഡുകള്‍ നന്നാക്കിയിട്ടു മാത്രമേ ബാക്കി പ്രവൃത്തി തുടങ്ങുകയുള്ളൂ എന്ന് യോഗം തീരുമാനിച്ചതാണ്. എന്നാല്‍ വാക്ക് പാലിക്കുകയുണ്ടായില്ല. ഈ അടുത്ത കാലത്ത് നിര്‍മിച്ച ടാര്‍, കോണ്‍ക്രീറ്റ് റോഡുകള്‍ പലതും പൊട്ടിപ്പൊളിച്ചിട്ടുണ്ട്. വാട്ടര്‍ അതോറിറ്റി അധികൃതരേയും 
കരാറുകാരനെയും നിരവധി തവണ നേരില്‍ കണ്ട് ആവശ്യപ്പെട്ടിട്ടും ഒരു പരിഹാരവും ആകാത്ത സാഹചര്യത്തിലാണ് പ്രത്യക്ഷ സമര പരിപാടിക്ക് ഭരണ സമിതി നിര്‍ബന്ധിതരായതെന്ന് ഗ്രാമ പഞ്ചായത്ത് പ്രസിഡന്റ് പറഞ്ഞു.
നന്നാക്കണമെന്നാവശ്യപ്പെട്ട് 13ന് വടകര വാട്ടര്‍ അതോറിട്ടി ഓഫിസിനു മുന്നില്‍ പഞ്ചായത്തിലെ മുഴുവന്‍ ജനപ്രതിനിധികളും ധര്‍ണ നടത്താന്‍ തീരുമാനിച്ചതായി പ്രസിഡന്റ് നയീമ കുളമുള്ളതില്‍ അറിയിച്ചു. ഒന്നര വര്‍ഷമായി പഞ്ചായത്തിലെ നിരവധി റോഡുകളില്‍ പൈപ്പിടാന്‍ കുഴിച്ച ചാലുകള്‍ ജനങ്ങളെ ദുരിതത്തിലാഴ്ത്തിയിരിക്കുകയാണ്. ശക്തമായ മഴ പെയ്തതോടെ ഗ്രാമീണ റോഡുകളാകെ തകര്‍ന്നിരിക്കയാണ്. കഴിഞ്ഞ ജനുവരിയില്‍ പഞ്ചായത്ത് പ്രസിഡന്റിന്റെ അധ്യക്ഷതയില്‍ ജനപ്രതിനിധികള്‍, വാട്ടര്‍ അതോറിറ്റി ഉദ്യോഗസ്ഥര്‍, കരാറുകാരന്‍ തുടങ്ങിയവരുടെ യോഗം ചേര്‍ന്നിരുന്നു. പൊളിച്ച റോഡുകള്‍ നന്നാക്കിയിട്ടു മാത്രമേ ബാക്കി പ്രവൃത്തി തുടങ്ങുകയുള്ളൂ എന്ന് യോഗം തീരുമാനിച്ചതാണ്. എന്നാല്‍ വാക്ക് പാലിക്കുകയുണ്ടായില്ല. ഈ അടുത്ത കാലത്ത് നിര്‍മിച്ച ടാര്‍, കോണ്‍ക്രീറ്റ് റോഡുകള്‍ പലതും പൊട്ടിപ്പൊളിച്ചിട്ടുണ്ട്. വാട്ടര്‍ അതോറിറ്റി അധികൃതരേയും കരാറുകാരനെയും നിരവധി തവണ നേരില്‍ കണ്ട് ആവശ്യപ്പെട്ടിട്ടും ഒരു പരിഹാരവും ആകാത്ത സാഹചര്യത്തിലാണ് പ്രത്യക്ഷ സമര പരിപാടിക്ക് ഭരണ സമിതി നിര്‍ബന്ധിതരായതെന്ന് ഗ്രാമ പഞ്ചായത്ത് പ്രസിഡന്റ് പറഞ്ഞു.
