നാദാപുരം: ചെക്യാട് പഞ്ചായത്ത് സ്‌കൂള്‍ കായികമേളയില്‍ ഉമ്മത്തൂര്‍ എംഎല്‍പി സ്‌കൂള്‍ ചാമ്പ്യന്മാരായി. തുടര്‍ച്ചയായി മൂന്നാം 
തവണയാണ് ഉമ്മത്തൂര്‍ എംഎല്‍പി ജേതാക്കളാകുന്നത്. ജാതിയേരി എംഎല്‍പി സ്‌കൂള്‍ റണ്ണേഴ്‌സ് അപ്പും കുറുവന്തേരി യുപി സ്‌കൂള്‍ മൂന്നാം സ്ഥാനവും കരസ്ഥമാക്കി.
പുളിയാവ് ഗവ. എല്‍പി സ്‌കൂളില്‍ നടന്ന കായികമേള ഗ്രാമ പഞ്ചായത്ത് പ്രസിഡന്റ് നസീമ കൊട്ടാരത്തില്‍ ഉദ്ഘാടനം ചെയ്തു. ഗ്രാമ പഞ്ചായത്ത് സ്ഥിരം സമിതി ചെയര്‍മാന്‍ സുബൈര്‍ പാറേമ്മല്‍ അധ്യക്ഷത വഹിച്ചു. വിദ്യാഭ്യാസ സ്റ്റാന്റിങ്ങ് കമ്മിറ്റി ചെയര്‍പേഴ്‌സണ്‍ റംല കുട്ടപ്പാണ്ടി, പ്രധാനധ്യാപിക ടി.പി.സുമ, പി.ടി.എ പ്രസിഡന്റ് റഫീഖ് കുനിയില്‍, മദര്‍ പി.ടി.എ പ്രസിഡന്റ് രജിനത്ത് ഹമീദ്, കെ.എം.മൂസ, കെ.വി.ജാബിര്‍, രേഖ എന്നിവര്‍ സംസാരിച്ചു. വിജയികള്‍ക്കുള്ള മെഡല്‍ ഗ്രാമ പഞ്ചായത്ത് 
പ്രസിഡന്റ് വിതരണം ചെയ്തു .
