പ്രൊഫ. വി.എ.അബ്രഹാം ഓര്‍മയായിട്ട് 15 വര്‍ഷം; സ്മരണ പുതുക്കി എകെജിസിടി

വടകര: അസോസിയേഷന്‍ ഓഫ് കേരള ഗവ.കോളജ് ടീച്ചേഴ്‌സ് (എകെജിസിടി) സമുന്നത നേതാവായിരുന്ന പ്രൊഫസര്‍ വി.എ.അബ്രഹാമിന്റെ പതിനഞ്ചാം അനുസ്മരണം എകെജിസിടി സംസ്ഥാന പ്രവര്‍ത്തകസമിതിയുടെ ആഭിമുഖ്യത്തില്‍ മടപ്പള്ളി ഗവ. കോളേജില്‍ നടന്നു. സംഘടനയുടെ മുന്‍ സംസ്ഥാന ജനറല്‍ സെക്രട്ടറിയും കാലടി സര്‍വകലാശാല വൈസ് ചാന്‍സലറുമായ ഡോ: ജെ.പ്രസാദ് അനുസ്മരണ പരിപാടി ഉദ്ഘാടനം ചെയ്തു. എകെജിസിടി സംസ്ഥാന വൈസ് പ്രസിഡന്റ് ഡോ: ബേബി ഷീബ അധ്യക്ഷതവഹിച്ച പരിപാടിയില്‍ ജില്ലാ സെക്രട്ടറി ഡോ: സി.വി.ഷാജി അനുസ്മരണ പ്രഭാഷണം നടത്തി. പ്രൊഫ. ചന്ദ്രന്‍, ചിത്ര ഗംഗാധരന്‍, അശോകന്‍, സുരേന്ദ്രന്‍ കെ, ഡോ. അബ്ദുല്‍ അസീസ് കോറോത്ത് തുടങ്ങിയവര്‍ സംസാരിച്ചു. സംസ്ഥാന സെക്രട്ടറി പി വി രഘുദാസ് സ്വാഗതവും എ.കെ. ദീപ നന്ദിയും പറഞ്ഞു.