വടകര: എഴുത്തുകാരെ നിരന്തരമായ നവീകരണത്തിന് പ്രേരിപ്പിക്കുകയാണ് നിരൂപണത്തിന്റെ ധര്മമെന്ന് എം.മുകന്ദന് അഭിപ്രായപ്പെട്ടു. കാലടി സംസ്കൃത സര്വകലാശാലയിലെ അധ്യാപകനും ചിന്തകനുമായ ഡോ.പി.പവിത്രന്റെ വിരമിക്കലിനോടനുബന്ധമായി സുഹൃദ്സംഘം വടകരയില് ഒരുക്കിയ ‘പി. പവിത്രന്റെ ചിന്താലോകം ‘ എന്ന ദ്വിദിന സെമിനാര് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
താനടക്കമുള്ള ആധുനികതയുടെ എഴുത്തുകാര്ക്ക് നവീകരണത്തിനുള്ള പ്രേരണാശക്തിയായിത്തീരാന് പി.പവിത്രന്റെ നിരൂപണങ്ങള്ക്ക് സാധിച്ചിട്ടുണ്ട്. അദ്ദേഹം കൂട്ടിച്ചേര്ത്തു.
ടി.രാജന് അധ്യക്ഷനായിരുന്നു. ഡോ. കെ.പി. മോഹനന് മുഖ്യപ്രഭാഷണം നടത്തി. മലയാളം സര്വ്വകലാശാല വൈസ് ചാന്സിലര് ഡോ എല്.സുഷമ മുഖ്യാതിഥിയായി.
പി. പവിത്രന് രചിച്ച ‘മാതൃഭാഷയ്ക്കു വേണ്ടിയുള്ള സമരം’ എന്ന പുസ്തകത്തിന്റെ മൂന്നാം പതിപ്പ് എം.മുകുന്ദന് എം.വി.പ്രദീപന് നല്കി പ്രകാശനം ചെയ്തു. വി.ടി.മുരളി, കെ.സി.വിജയരാഘവന്, എന്.ബി.പ്രകാശന് എന്നിവര് ആശംസകള് നേര്ന്നു. ഇ.ദിനേശന് സ്വാഗതവും
ഡോ. സുരേഷ് പുത്തന്പറമ്പില് നന്ദിയും പറഞ്ഞു.
എ.ടി. മോഹന്രാജ്, ഡോ. ജി. ഹരികൃഷ്ണന്, ഡോ. അഭിലാഷ് മലയില്, എം.ആര്. മഹേഷ്, എന്. യു സജീവന്, എ.ജി. ഒലീന,ഡോ. കെ.എം. ഭരതന്, എസ്. രൂപിമ, സി. അരവിന്ദന് എന്നിവര് വിവിധ വിഷയങ്ങളില് പ്രബന്ധങ്ങള് അവതരിപ്പിച്ചു. രാത്രി ഭാനുപ്രകാശ് നയിച്ച കോഴിക്കോടന് സംഗീത സ്മൃതി അരങ്ങേറി.
നാളെയും നടക്കുന്ന സെമിനാര് വൈകിട്ട് 3 മണിക്ക് സൗഹൃദ സമ്മേളനത്തോടെ സമാപിക്കും. കല്പറ്റ നാരായണന് ഉദ്ഘാടനം ചെയ്യും. ടി.വി.സജീവ്, ഷംഷാദ് ഹുസൈന്, വീരാന്കുട്ടി തുടങ്ങിയവര് പങ്കെടുക്കും.