അഴിയൂര്‍: കുഞ്ഞിപ്പള്ളി റെയില്‍വെ ഗേറ്റിന് സമീപം ഇതര സംസ്ഥാന തൊഴിലാളി ട്രെയിന്‍
തട്ടി മരിച്ചു. പശ്ചിമ ബംഗാള്‍ ജയ്പാല്‍ഗുരി സ്വദേശി മധുസൂദനന്‍ റോയ് (30) ആണ് മരിച്ചത്. ഇന്ന് വൈകുന്നേരം മൂന്ന് മണിയോടെയാണ് സംഭവം. പാളം മുറിച്ച് കടക്കുമ്പോള്‍ ട്രെയിന്‍ വരുന്നത് കണ്ട് രണ്ടാമത്തെ ട്രാക്കിലേക്ക് മാറിയ ഇദ്ദേഹത്തെ മറ്റൊരു ട്രെയിന്‍ ഇടിച്ച് തെറിപ്പിക്കുകയായിരുന്നു. ചോമ്പാല പോലീസ് സ്ഥലത്ത് എത്തി മൃതദേഹം ജില്ല ആശുപത്രി മോര്‍ച്ചറിയിലേക്ക് മാറ്റി. തലശേരിയില്‍ താമസിക്കുന്ന മധുസൂദനന്‍#് റായി നിര്‍മാണ ജോലി കഴിഞ്ഞ് മടങ്ങുന്നതിനിടെയാണ് അപകടം.
