കുറ്റ്യാടി: കക്കട്ടിൽ മുതൽ കുറ്റ്യാടി വരെയുള്ള സംസ്ഥാനപാതയ്ക്ക് 5.50 കോടി രൂപ ഉപരിതല പുനരുദ്ധാരണത്തിനായി (ബിസി ഓവർലേ)സംസ്ഥാന സർക്കാർ അനുവദിച്ചിരുന്നതായും പ്രവൃത്തിക്ക് ഭരണാനുമതി ലഭിച്ചതിനെ തുടർന്ന് പൊതുമരാമത്ത് വകുപ്പ് സാങ്കേതിക അനുമതി, ടെണ്ടർ നടപടികൾ എന്നിവ സമയബന്ധിതമായി പൂർത്തീകരിക്കുകയും , തുക അനുവദിച്ച അതേ സാമ്പത്തിക വർഷം തന്നെ പ്രവൃത്തി പൂർത്തീകരിക്കാൻ പോവുകയുമാണെന്ന് എം എൽ എ കുഞ്ഞമ്മദ് കുട്ടി. സമാന്തരമായി രണ്ട് ഘട്ടങ്ങളിലായാണ് പ്രവൃത്തി നടപ്പിലാക്കിയത്. ഈ പ്രവൃത്തിയോടൊപ്പം കക്കട്ടിൽ ടൗൺ
![](https://i0.wp.com/vatakaravarthakal.in/wp-content/uploads/2024/03/IMG-20240327-WA0015-1.jpg?resize=420%2C600&ssl=1)
മൊകേരി ടൗൺ, കുറ്റ്യാടി ടൗൺ എന്നിവിടങ്ങളിൽ റോഡിൻറെ വീതി ബി എം ബി സി ചെയ്ത് , 9 മീറ്റർ വരെയായി വർദ്ധിപ്പിച്ച്, യാത്രക്കാർക്കും , വാഹന ഗതാഗതത്തിനും വലിയ സൗകര്യവും ഒരുക്കിയിരിക്കുകയാണെന്നും കൂടാതെ കക്കട്ടിൽ ടൗണിൽ ജലവിതരണത്തിനായി കുഴിച്ച കുഴികൾ കാരണം നേരിട്ട പ്രയാസം പരിഹരിക്കുകയും ചെയ്തതായും എം എൽ എ പറഞ്ഞു. ഇനി സുന്ദരമായ സംസ്ഥാനപാതയിലൂടെ കക്കട്ടിൽ മുതൽ കുറ്റ്യാടി വരെ സഞ്ചരിക്കാം