വടകര: വ്യാജവൈദ്യത്തിനെതിരായ സര്ക്കാര് നടപടികള് സുശക്തമാക്കണം എന്ന് ആയുര്വേദ മെഡിക്കല് അസോസിയേഷന് ഓഫ് ഇന്ത്യ (എഎംഎഎ ) വടകര ഏരിയ സമ്മേളനം ആവശ്യപ്പെട്ടു. അഴിയൂര് ഗ്രീന്സ് ആയുര്വേദ ഹോസ്പിറ്റലില് നടന്ന സമ്മേളനം പ്രശസ്ത കവിയും കേരള സാഹിത്യ അക്കാദമി അവാര്ഡ് ജേതാവുമായ പ്രൊഫസര് വീരാന്കുട്ടി ഉദ്ഘാടനം ചെയ്തു. വടകര ഏരിയ പ്രസിഡന്റ് ഡോക്ടര് രാഹുല് ആര് അധ്യക്ഷനായി.
എഎംഎഎ ജില്ലാ സെക്രട്ടറി ഡോ: അനൂപ് വി പി, ഏരിയ സെക്രട്ടറി ഡോ:സാരംഗി, സംസ്ഥാന കമ്മിറ്റി അംഗം ഡോ: മുംതാസ് എം കെ, ഡോ: ജുനൈദ്, ഗ്രീന്സ് ഹോസ്പിറ്റല് ചെയര്മാന് ഡോ: അഷ്കര് എന്നിവര് സംസാരിച്ചു. ഡോ: ഷമീര് തോടങ്കല് ലോ ബാക്ക് പെയിന് ആന്ഡ് റേഡിയോളജി എന്ന വിഷയത്തില് ക്ലാസ് എടുത്തു. പുതിയ ഭാരവാഹികള്:ഡോ: മുംതാസ്.എം കെ (പ്രസിഡന്റ്), ഡോ: ദിഷ (വൈസ് പ്രസി), ഡോ:അനുശ്രീ ആര് (സെക്രട്ടറി), ഡോ:നിവേദിത (ജോ. സെക്രട്ടറി), ഡോ:ജുനൈദ് (ട്രഷറര്), ഡോ: ലിബിന (വനിതാ കമ്മിറ്റി ചെയര്പേഴ്സണ്), കണ്വീനര് ഡോ: അനു മുരളി കൃഷ്ണ (വനിതാ കമ്മിറ്റി ചെയര്പേഴ്സണ് കണ്വീനര്).