മുഖ്യമന്ത്രിക്കും മകൾക്കും ആശ്വാസം; മാസപ്പടി കേസിൽ വിജിലൻസ് അന്വേഷണമില്ല, ഹർജി തളളി ഹൈക്കോടതി

കൊ​ച്ചി: മാ​സ​പ്പ​ടി കേ​സി​ൽ വി​ജി​ല​ൻ​സ് അ​ന്വേ​ഷ​ണം ആ​വ​ശ്യ​പ്പെ​ട്ടു​ള്ള ഹ​ർ​ജി ത​ള്ളി ഹൈ​ക്കോ​ട​തി. മാ​ത്യു കു​ഴ​ൽ​നാ​ടൻ എംഎൽഎയും ഗി​രീ​ഷ് ബാ​ബു​വും ന​ൽ​കി​യ ഹ​ർ​ജി​ക​ളാ​ണ് ത​ള്ളി​യ​ത്. ജസ്റ്റീസ് കെ. ബാബുവിന്‍റേതാണ് ഉത്തരവ്.
കേ​സി​ൽ വി​ജി​ല​ൻ​സ് അ​ന്വേ​ഷ​ണം ആ​വ​ശ്യ​പ്പെ​ട്ട് ന​ൽ​കി​യ ഹ​ർ​ജി തി​രു​വ​ന​ന്ത​പു​രം പ്ര​ത്യേ​ക വി​ജി​ല​ൻ​സ് കോ​ട​തി നേ​ര​ത്തെ ത​ള്ളി​യി​രു​ന്നു. തു​ട​ർ​ന്നാ​ണ് പ​രാ​തി​ക്കാ​രാ​യ ഗി​രീ​ഷ് ബാ​ബു​വും മാ​ത്യു കു​ഴ​ല്‍​നാ​ട​ൻ എം​എ​ൽ​എ​യും റി​വി​ഷ​ൻ ഹ​ർ​ജി​യു​മാ​യി ഹൈ​ക്കോ​ട​തി​യെ സ​മീ​പി​ച്ച​ത്. ഹ​ർ​ജി​യി​ൽ വാ​ദം ന​ട​ക്കു​ന്ന​തി​നി​ടെ ഹ​ർ​ജി​ക്കാ​ര​നാ​യ ഗി​രീ​ഷ് ബാ​ബു മ​രി​ച്ചി​രു​ന്നു.
മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ മ​ക​ൾ വീ​ണ​യ്ക്ക് കൊ​ച്ചി​ൻ മി​ന​റ​ൽ​സ് ആ​ൻ​ഡ് റൂ​ട്ടൈ​ൽ ലി​മി​റ്റ​ഡ് എ​ന്ന ക​മ്പ​നി​യി​ൽ​നി​ന്ന് മാ​സ​പ്പ​ടി ഇ​ന​ത്തി​ൽ മൂ​ന്നു വ​ർ​ഷ​ത്തി​നി​ടെ 1.72 കോ​ടി രൂ​പ ന​ൽ​കി​യെ​ന്നാ​ണ് വാ​ദം. നി​ല​വി​ൽ കേ​സി​ൽ കേ​ന്ദ്ര അ​ന്വേ​ഷ​ണ ഏ​ജ​ൻ​സി​യാ​യ എ​സ്എ​ഫ്ഐ​ഒ അ​ന്വേ​ഷ​ണം ന​ട​ക്കു​ന്നു​ണ്ട്.

വീണാ വിജയന്റെ സ്ഥാപനമായ എക്‌സാലോജികും കൊച്ചിയിലെ സിഎംആർഎല്ലും തമ്മിൽ നടത്തിയ സാമ്പത്തിക ഇടപാടുകളിൽ മുഖ്യമന്ത്രിക്കും മകൾക്കുമെതിരെ വിജിലൻസ് അന്വേഷണം ആവശ്യപ്പെട്ടായിരുന്നു ഹർജി. മുഖ്യമന്ത്രിയുടെ മകൾ എന്ന സ്ഥാനം ഉപയോഗിച്ചാണ് എക്സാലോജിക് കമ്പനി, സിഎംആർഎല്ലിൽ നിന്ന് മാസപ്പടി വാങ്ങിയതെന്നും ഇത് വിജിലൻസ് അന്വേഷണത്തിന്റെ പരിധിയിൽ വരുമെന്നുമായിരുന്നു വാദം.