പേരാമ്പ്ര: സംസ്ഥാന പാതയില് കൂത്താളി രണ്ടേആറില് സ്വകാര്യ ബസ് ബൈക്കിലിടിച്ച് ഗൃഹനാഥന് മരിച്ചു. ചീക്കുന്നുമ്മല് പുത്തന്പുരയില് എ.എസ്. ഹബീബാണ് (64) മരിച്ചത്. ഇന്നലെ രാവിലെ ഇദ്ദേഹം സഞ്ചരിച്ച ബൈക്കില് കുറ്റ്യാടി-കോഴിക്കോട് റൂട്ടിലോടുന്ന ഒമേഗ ബസ് ഇടിക്കുകയായിരുന്നു. ഉടനെ സമീപത്തെ ആശുപത്രിയില് പ്രഥമ ശുശ്രൂഷ നല്കി കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചെങ്കിലും വൈകുന്നേരത്തോടെ മരണമടഞ്ഞു.
കക്കട്ടില് റൂറല് കോ ഓപ്പറേറ്റീവ് ബാങ്ക് മുന് സെക്രട്ടറി പരേതനായ പി.വി അബ്ദുസമദിന്റെ മകനാണ്. ഭാര്യ: സുബൈദ. മക്കള്: ഫഹദ്, മുഹ്സിന, ഡാന, സന. മരുമക്കള്: നാജിയ (വയനാട്), നൗഷാദ് (ശോഭ ജ്വല്ലറി കക്കട്ടില്), നസീഫ് (കുറ്റ്യാടി പാറക്കടവ്). സഹോദരങ്ങള്: നസീമ, മുംതാസ്, നജീബ്, അയ്യൂബ്, ഹസീബ് (കോഴിക്കോട് മെഡിക്കല് കോളജ്), പരേതരായ ജമീല, സഫിയ, ഷുഹൈബ്.