പേരാമ്പ്ര: ചികിത്സാ രംഗത്ത് പുത്തന് ചുവടുവെപ്പുമായി പേരാമ്പ്ര ഗ്രാമ പഞ്ചായത്ത്. ആതുര സേവനം കൂടുതല് ജനകീയമാക്കുക എന്ന ലക്ഷ്യവുമായി ‘ ഭിഷഗ്വര’ എന്ന പേരിലാണ് പഞ്ചായത്ത് പദ്ധതി ആവിഷ്കരിച്ച് നടപ്പിലാക്കുന്നത്. പഞ്ചായത്തിലെ അഞ്ച് കേന്ദ്രങ്ങളില് ഡോക്ടര്മാരുടെ സേവനവും ആവശ്യമായ പ്രാഥമിക മരുന്നുകളും ലാബ് സൗകര്യവും പദ്ധതിയുടെ ഭാഗമായി ഒരുക്കും. ജനങ്ങള്ക്ക് പ്രാഥമികാരോഗ്യ കേന്ദ്രത്തിലെത്താതെ, പ്രാദേശിക തലത്തില് ഡോക്ടര്മാരുടെ സേവനം ലഭ്യമാക്കാന് ഇതുവഴി സാധിക്കുമെന്നതാണ് പദ്ധതിയുടെ പ്രത്യേകത.
ആഴ്ചയില് ഒരു ദിവസമായിരിക്കും കേന്ദ്രത്തില് പദ്ധതിയുടെ ഭാഗമായി ഡോക്ടര്മാരുടെ സേവനം ലഭ്യമാവുക. പേരാമ്പ്ര ഗ്രാമപഞ്ചായത്തിലെ സബ് സെന്ററുകളായ എരവട്ടൂര്, ചേനായി, കണ്ണിപ്പൊയില്, മരുതേരി എന്നിവിടങ്ങള്ക്ക് പുറമേ കോടേരിച്ചാലിലുമാണ് പ്രാഥമികമായി ഭിഷഗ്വര പദ്ധതി നടപ്പിലാക്കുന്നത്.
പദ്ധതിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ഷീജ ശശി നിര്വഹിച്ചു. ഗ്രാമപഞ്ചായത്ത് പ്രസിഡന്റ് വി കെ പ്രമോദ് അധ്യക്ഷത വഹിച്ചു. പേരാമ്പ്ര വി വി ദക്ഷിണാമൂര്ത്തി ഹാളില് നടന്ന ചടങ്ങില് ഗ്രാമപഞ്ചായത്ത് വൈസ് പ്രസിഡന്റ് കെ എം റീന, ജില്ലാ പഞ്ചായത്ത് മെമ്പര് സി എം ബാബു, ബ്ലോക്ക് പഞ്ചായത്ത് മെമ്പര്മാരായ ലിസി കെ കെ, അഷറഫ് പി ടി, ഗ്രാമപഞ്ചായത്ത് മെമ്പര്മാരായ കെ പ്രിയേഷ്, ശ്രീലജ പുതിയെടുത്ത്, മിനി പൊന്പറ, വിനോദ് തിരുവോത്ത്, കെ.കെ. പ്രേമന്, ജോന പി, സിഡിഎസ് ചെയര്പേഴ്സണ് ജിജി, പി.ബാലനടിയോടി, ഡോ. വിനോദ്, അജീഷ് കല്ലോട്, വ്യാപാരി നേതാക്കളായ ബി.എം മുഹമ്മദ്, സി.എം അഹമ്മദ് കോയ തുടങ്ങിയവര് സംസാരിച്ചു, താലൂക്ക് ആശുപത്രി മെഡിക്കല് ഓഫീസര് കെ ഗോപാലകൃഷ്ണന് സ്വാഗതവും പേരാമ്പ്ര ഗ്രാമപഞ്ചായത്ത് സെക്രട്ടറി നിഷാന്ത് ആര് നന്ദിയും പറഞ്ഞു