അരൂരില്‍ പി നാണുവിനെ അനുസ്മരിച്ച് സിപിഎം

അരൂര്‍: കര്‍ഷക തൊഴിലാളി പ്രസ്ഥാനത്തിന്റെ സമുന്നതനായ നേതാവും ജീവകാരുണ്യ പ്രവര്‍ത്തകനുമായിരുന്ന പി നാണുവിന്റെ നാലാമത് ചരമവാര്‍ഷിക ദിനാചരണം സിപിഎം കമ്മറ്റിയുടെ നേതൃത്വത്തില്‍ നടന്നു. പുഷ്പാര്‍ച്ചനക്ക് ശേഷം നടന്ന അനുസ്മരണ സമ്മേളനം സിപിഎം നാദാപുരം ഏരിയ കമ്മിറ്റി അംഗം പി രാഹുല്‍രാജ് ഉദ്ഘാടനം ചെയ്യ്തു. കെ.വി സുജിത്ത് അധ്യക്ഷനായി. ലോക്കല്‍ സിക്രട്ടറി സി.പി നിധീഷ്, ഒ രമേശന്‍, കൂടുത്താകണ്ടി രവി, കെ.പി നളിനി കരിക്കീറിനാണു എന്നിവര്‍ സംസാരിച്ചു. പി അനീഷ് സ്വാഗതം പറഞ്ഞു. ‘അകന്ന് നില്‍ക്കാം അകറ്റി നിര്‍ത്താം ലഹരിക്കെതിരെ പോരാടാം’ എന്ന മുദ്രാവാക്യമുയര്‍ത്തി നടന്ന ലഹരി വിരുദ്ധ ബോധവത്ക്കരണത്തില്‍ രംഗീഷ് കടവത്ത് ക്ലാസ് എടുത്തു.