നാദാപുരം: പെൻഷനേഴ്സ് യൂണിയൻ തൂണേരി ബ്ലോക്ക് സമ്മേളനം ഇ.കെ വിജയൻ എം.എൽ.എ ഉദ്ഘാടനം ചെയ്തു. പെൻഷൻകാർക്ക് ലഭിക്കേണ്ട ക്ഷാമബത്ത കുടിശിക, പെൻഷൻ പരിഷ്കരണ കുടിശിക എന്നിവ ഉടൻ ലഭ്യമാക്കാനുള്ള നടപടികൾ സ്വീകരിക്കണമെന്ന് സമ്മേളനം ആവശ്യപ്പെട്ടു. പ്രസിഡണ്ട് പി. കരുണാകര കുറുപ്പ് അധ്യക്ഷത വഹിച്ചു. തുണേരി ഗ്രാമപഞ്ചായത്ത് പ്രസിഡണ്ട് സുധാസത്യൻ, വാർഡ് മെമ്പർ കെ. മധു മോഹനൻ, പി.കെ.ദാമു , ടി.കെ. രാഘവൻ,പി.വി. വിജയകുമാർ, വി. രാജ ലക്ഷ്മി, ടി. രാജൻ,വാസു പുതിയോട്ടിൽ എന്നിവർ സംസാരിച്ചു. സംഘടനാ കാര്യങ്ങൾ ഇ.കെ.
![](https://i0.wp.com/vatakaravarthakal.in/wp-content/uploads/2024/02/unicure-bbw.jpg?resize=480%2C600&ssl=1)
കമലാദേവി അവതരിപ്പിച്ചു. ക്ഷേമനിധി വിതരണം എം.പി.സഹദേവനും കൈത്താങ്ങ് വിതരണം ടി. പീതാംബരനും, മാസിക അവാർഡ് വിതരണം സി. സരസ്വതിയും നിർവ്വഹിച്ചു. ഗാന്ധി സേവാ പുരസ്കാരം നേടിയ അനു പാട്യംസിനെ അനുമോദിച്ചു. പ്രതിനിധി സമ്മേളനം ജില്ലാ വൈസ് പ്രസിഡണ്ട് എടത്തിൽ ദാമോദരൻ ഉദ്ഘാടനം ചെയ്തു. സി.എച്ച്. ശങ്കരൻ അധ്യക്ഷത വഹിച്ചു. ബ്ലോക്ക് സെക്രട്ടറി ടി.കെ. രാഘവൻ വാർഷിക റിപ്പോർട്ടും കെ.ഹേമചന്ദ്രൻ വരവ് ചെലവ് കണക്കും അവതരിപ്പിച്ചു. ടി.ഭാസ്കരൻ ,പി. കെ. സുജാത, വി.കെ. രവീന്ദ്രൻ, എം ബാലരാജൻ, സുരേന്ദ്രൻ തൂണേരി എന്നിവർ സംസാരിച്ചു.