നാദാപുരം: യുഡിഎഫ് നിയന്ത്രണത്തിലുള്ള നാദാപുരം സഹകരണ അര്ബന് ബാങ്ക് ചെയര്മാനായി മുസ്ലിം ലീഗ് നിയോജക മണ്ഡലം വൈസ് പ്രസിഡന്റ് എം.പി.സൂപ്പിയെ തെരഞ്ഞെടുത്തു. നിലവിലുള്ള ചെയര്മാന് മുസ്ലിംലീഗിന്റെ നിയോജക മണ്ഡലം പ്രസിഡന്റ് മുഹമ്മദ് ബംഗളത്ത് പാര്ട്ടി തീരുമാനപ്രകാരം സ്ഥാനം ഒഴിഞ്ഞതിനെ തുടര്ന്നാണ് സൂപ്പിയെ ചെയര്മാനായി തെരഞ്ഞെടുത്തത്. നേരത്തെ നാദാപുരം ഗ്രാമപഞ്ചായത്ത് സ്റ്റാന്ഡിങ് കമ്മിറ്റി ചെയര്മാനായിരുന്നു സൂപ്പി.
തെരഞ്ഞെടുപ്പിന് ശേഷം നടന്ന അനുമോദന ചടങ്ങില് ഡയറക്ടര് ബോര്ഡ് അംഗങ്ങളായ സൂപ്പി നരിക്കാട്ടേരി, അരയില്ലത്ത് രവി, ബംഗ്ലത്ത് മുഹമ്മദ്, വയലോളി അബ്ദുള്ള, കോടികണ്ടി മൊയ്തു, വി.കെ.മൂസ, ഫൗസിയ, ജനറല് മാനേജര് അബ്ദുറഷീദ് തുടങ്ങിയവര് സംസാരിച്ചു.