മണക്കുളങ്ങര ക്ഷേത്രവും മരണവീടും സാദിഖലി തങ്ങള്‍ സന്ദര്‍ശിച്ചു

കൊയിലാണ്ടി: കഴിഞ്ഞ ദിവസം ഉത്സവത്തിനിടെ ആനയിടഞ്ഞു മൂന്ന് പേര്‍ മരിക്കാനിടയായ കൊയിലാണ്ടി കുറുവാങ്ങാട് മണക്കുളങ്ങര ക്ഷേത്രം മുസ്ലിം ലീഗ് സംസ്ഥാന പ്രസിഡന്റ് സയ്യിദ് സാദിക്കലി ശിഹാബ് തങ്ങള്‍ സന്ദര്‍ശിച്ചു. ക്ഷേത്രം ട്രസ്റ്റ് ചെയര്‍മാന്‍ ഷെനിത്ത്, പാരമ്പര്യട്രെസ്റ്റി മെമ്പര്‍ വിജയന്‍ നമ്പി, ശശിധരന്‍ അണേല, ബ്രിജേഷ്, അമൃത എന്നിവര്‍ ചേര്‍ന്ന് തങ്ങളെ സ്വീകരിച്ചു. മരണപ്പെട്ട അമ്മു അമ്മ, ലീല എന്നിവരുടെ വീടുകള്‍ സന്ദര്‍ശിക്കുകയും കുടുംബാംഗങ്ങളെ ആശ്വസിപ്പിക്കുകയും ചെയ്തു.
മുസ്ലിം ലീഗ് ജില്ലാ ജനറല്‍ സെക്രട്ടറി ടി.ടി.ഇസ്മായില്‍, ജില്ലാ സെക്രട്ടറി സി.പി.എ.അസീസ്, കൊയിലാണ്ടി മണ്ഡലം പ്രസിഡന്റ് വി.പി.ഇബ്രാഹിം കുട്ടി, ജനറല്‍ സെക്രട്ടറി സി.ഹനീഫ, മുനിസിപ്പല്‍ കൗണ്‍സിലര്‍ വത്സരാജ് കേളോത്ത്, പി.കെ.മുഹമ്മദലി, സാലിഹ് ബാത്ത, അബ്ദുറഹ്‌മാന്‍ ബാഫഖി, നൂറുദ്ദീന്‍ ഫാറൂഖി, സിറാജ് കുറുവങ്ങാട്, ടി ഷാഫി എന്നിവരും തങ്ങളോടൊപ്പം ഉണ്ടായിരുന്നു