പെരിഞ്ചേരി കടവ് റഗുലേറ്റര്‍ കം ബ്രിഡ്ജ് നിര്‍മാണം ഉടന്‍ പുനരാരംഭിക്കണം: സിപിഐ

തിരുവള്ളൂര്‍: ചെറുവണ്ണൂര്‍, തിരുവള്ളൂര്‍ പഞ്ചായത്തുകളെ ബന്ധിപ്പിക്കുന്ന പെരിഞ്ചേരി കടവ് റഗുലേറ്റര്‍ കം ബ്രിഡ്ജിന്റെ നിര്‍ത്തിവെച്ച പണി ഉടന്‍ പുനരാരംഭിക്കണമെന്ന് സിപിഐ കാഞ്ഞിരാട്ട് തറ ബ്രാഞ്ച് സമ്മേളനം ആവശ്യപ്പെട്ടു. പ്രവൃത്തി ആരംഭിച്ചിട്ട് മൂന്നുവര്‍ഷം പിന്നിടുകയാണ്. എസ്റ്റിമേറ്റ് പുതുക്കാനുള്ള അപേക്ഷ അടിയന്തരമായി സര്‍ക്കാര്‍ പരിഗണിക്കണമെന്നും പുഴത്തീരം കെട്ടി സംരക്ഷിക്കുന്നതിന് ഫണ്ട് അനുവദിക്കണമെന്നും സമ്മേളനം ആവശ്യപ്പെട്ടു. സിപിഐ ആയഞ്ചേരി മണ്ഡലം സെക്രട്ടറി കെ.പി.പവിത്രന്‍ ഉദ്ഘാടനം ചെയ്തു. ശ്രീധരന്‍ കണ്ണനാണ്ടി അധ്യക്ഷത വഹിച്ചു. എന്‍.കുഞ്ഞുണ്ണി പതാക ഉയര്‍ത്തി. സെക്രട്ടറി കെ കെ സുരേന്ദ്രന്‍ റിപ്പോര്‍ട്ട് അവതരിപ്പിച്ചു. മണ്ഡലം കമ്മിറ്റി മെമ്പര്‍ എം.ടി.രാജന്‍, ലോക്കല്‍ സെക്രട്ടറി പി.പി.രാജന്‍, കെ.കെ.ബാലകൃഷ്ണന്‍, കെ.കെ.ബീന, എ.കെ.നാണു, എന്‍.ദാമോദരന്‍, എല്‍.വി.മനോഹരന്‍ എന്നിവര്‍ സംസാരിച്ചു.
ബ്രാഞ്ച് സെക്രട്ടറിയായി ടി.പി.സ്‌നേഹ പ്രഭയെയും അസിസ്റ്റന്റ് സെക്രട്ടറിയായി ശ്രീധരന്‍ കണ്ണനാണ്ടിയെയും സമ്മേളനം തെരഞ്ഞെടുത്തു.