വടകര: വടക്കേ മലബാറിലെ പ്രമുഖ മത്സ്യബന്ധന കേന്ദ്രമായ ചോമ്പാല ഹാര്ബറിലേക്ക് ദേശീയ പാതയില്നിന്ന് സൗകര്യ പ്രദമായ ഗതാഗത സംവിധാനം ഏര്പ്പെടുത്തണമെന്ന്
കെ.കെ.രമ എംഎല്എ ആവശ്യപ്പെട്ടു. മുമ്പ് പലതവണ ദേശീയപാത ഉന്നതതല യോഗങ്ങളില് ഈ വിഷയം ചര്ച്ച ചെയ്തതാണ്. ഒടുവില് എന്എച്ച്എ അധികൃതര് സ്ഥലം സന്ദര്ശിച്ചപ്പോള് നിലവില് പണിയുന്ന അടിപ്പാത കാല്നടയാത്രക്ക് പോലും യോഗ്യമല്ലെന്ന് മനസ്സിലാക്കി ഫൂട്ട് ഓവര് ബ്രിഡ്ജ് തരാമെന്ന വാഗ്ദാനമാണ് തന്നത്. എന്നാല് മുക്കാളി ഹാര്ബര് റോഡില് സൗകര്യത്തോടെയുളള അടിപ്പാത തന്നെ വേണമെന്ന ബഹുജനങ്ങളുടെ 
ആവശ്യത്തോടൊപ്പം നില്ക്കുകയും ബന്ധപ്പെട്ടവരുടെ അടിയന്തര ആലോചനായോഗം വിളിക്കാന് നടപടി സ്വീകരിക്കുകയും ചെയ്തിട്ടുണ്ടെന്ന് എംഎല്എ അറിയിച്ചു. വിവിധ രാഷ്ടീയ സാംസ്കാരിക പ്രവര്ത്തകരും തൊഴിലാളി സംഘടനകളും നാട്ടുകാരും ചേര്ന്ന ബഹുജന കൂട്ടായ്മ കഴിഞ്ഞ പത്ത് ദിവസമായി സമര പന്തല് കെട്ടി പ്രതിഷേധ സമരം തുടരുകയാണ്. ജനകീയ ആവശ്യം അംഗീകരിക്കാന് നടപടി സ്വീകരിക്കണമെന്ന് എംഎല്എ അധികൃതരോട് ആവശ്യപ്പെട്ടു.
