നാദാപുരം: വളയം പോലീസ് സ്റ്റേഷന്‍ പരിധിയില്‍ പ്രായപൂര്‍ത്തിയാവാത്ത വിദ്യാര്‍ഥിനിക്ക് നേരെ ലൈംഗികാതിക്രമം നടത്തിയ വയോധികന്‍ അറസ്റ്റില്‍. വിലങ്ങാട് സ്വദേശി പയനം കൂട്ടം കുഞ്ഞിരാമനെയാണ് (68) വളയം സിഐ ഇ.വി.ഫായിസ് അലി അറസ്റ്റ് ചെയ്തത്. ശനിയാഴ്ച ഉച്ചക്കാണ് കേസിനാസ്പദമായ സംഭവം. വിദ്യാര്‍ഥിനിയെ കൊല്ലുമെന്ന് ഭീഷണിപ്പെടുത്തി
നിര്‍മാണത്തിലിരിക്കുന്ന വീടിനകത്ത് എത്തിച്ച് ലൈംഗികാതിക്രമം നടത്തുകയായിരുന്നു. പീഡന വിവരം വിവരം പുറത്ത് പറയരുതെന്നും പ്രതി ഭീഷണി മുഴക്കി. വിദ്യാര്‍ഥിനി വീട്ടിലെത്തി രക്ഷിതാക്കളെ അറിയിക്കുകയായിരുന്നു. തുടര്‍ന്ന് പോലീസില്‍ പരാതി നല്‍കി. പിന്നാലെ പോലീസ് പ്രതിയെ കസ്റ്റഡിയിലെടുത്തു.
