വടകര: തെരഞ്ഞെടുപ്പ് കാലത്തെ ജാതി-മതം-രാഷ്ട്രീയം എന്ന വിഷയത്തില്‍ ഡമോക്രാറ്റിക്ക് ഡയലോഗ് വടകരയില്‍ സംവാദം 
സംഘടിപ്പിച്ചു. സാംസ്‌കാരിക ചത്വരത്തില്‍ നടന്ന സംവാദം വ്യത്യസ്ത വീക്ഷണങ്ങള്‍ കൊണ്ടും കാഴ്ച്ചപ്പാടുകള്‍ കൊണ്ടും ശ്രദ്ധേയമായി.
സമൂഹത്തില്‍ ജാതി, മതം, സമുദായം എന്നിവ യാഥാര്‍ഥ്യങ്ങളാണ്. ഈ യാഥാര്‍ത്ഥ്യം അംഗീകരിച്ച് കൊണ്ട് തന്നെ ജനാധിപത്യപരമായ മാനവികത ഉയര്‍ത്തി കൊണ്ട് വരേണ്ടതുണ്ടെന്നും വൈവിധ്യങ്ങളെ അംഗീകരിച്ച് പ്രാതിനിധ്യസ്വഭാവമുളള ജനാധിപത്യ സമീപനമാണ് വര്‍ത്തമാന കാലഘട്ടത്തില്‍
വേണ്ടതെന്ന് യൂത്ത്‌ലീഗ് അഖിലേന്ത്യ സെക്രട്ടാറി നജ്മ തബ്ഷീറ പറഞ്ഞു. രാഷ്ട്രീയത്തില്‍ മതം കലര്‍ത്തി മലയാളിയെ നാണം കെടുത്തിയ സ്‌ക്രീന്‍ഷോട്ട് വിവാദം ഉയര്‍ന്നുവന്ന വടകരയുടെ മണ്ണില്‍ ഇത്തരമൊരു ചര്‍ച്ചയ്ക്ക് ഏറെ പ്രസക്തി ഉണ്ടെന്നും തബ്ശീ
റ തുടര്‍ന്നു. ജാതി ഒരു ഇന്ത്യന്‍ യാഥാര്‍ഥ്യമാണെന്നും മത ന്യൂനപക്ഷങ്ങള്‍ രാജ്യത്ത് അടിച്ചമര്‍ത്തപ്പെടുന്നുണ്ടെന്നും രാജ്യത്ത് നീതി പുലരാന്‍ ജാതി സെന്‍സസ് അനിവാര്യമാണെന്നും അവര്‍ കൂട്ടിച്ചേര്‍ത്തു.
മതരാഷ്ട്രവാദഫാസിസ്റ്റുകള്‍ എല്ലാ അപരത്വങ്ങളെയും പുറത്താക്കുന്ന കാലത്ത് ഗാന്ധിജിയുടെ ഇന്‍ക്ലൂസീവ് ദേശീയത ഉയര്‍ത്തിപ്പിടിക്കാന്‍
ജനാധിപത്യ ശക്തികള്‍ തയ്യാറാകണമെന്ന് ചര്‍ച്ചയില്‍ പങ്കെടുത്തു കൊണ്ട് പി.ജെ ബേബി പറഞ്ഞു.
ജനങ്ങളെ നേരിടാനുള്ള ആശയ ദാരിദ്ര്യമാണ് പലപ്പോഴും തെരഞ്ഞെടുപ്പ് തലേന്ന് ജാതിയുടെയും മതത്തിന്റെയും പിന്നാലെ പോകാന്‍ രാഷ്ട്രീയപ്പാര്‍ട്ടികളെ പ്രേരിപ്പിക്കുന്നതെന്ന് എന്‍.വി.ബാലകൃഷ്ണന്‍ അഭിപ്രായപ്പെട്ടു. സത്യന്‍ മാടാക്കര മോഡറേറ്ററായി.
