തിക്കോടി: വാര്‍ധക്യമെന്നാല്‍ അവശതയിലേക്ക് തള്ളാനുള്ളതല്ലെന്നും കര്‍മപഥത്തില്‍
കുതിക്കാനുള്ളതാണെന്നും കവി വീരാന്‍കുട്ടി. മഹാത്മാഗാന്ധി പോലും ഇത്തരം മാതൃകകള്‍ നമുക്ക് കാണിച്ചു തന്നിട്ടുണ്ടെന്ന് അദ്ദേഹം ചൂണ്ടിക്കാട്ടി. സീനിയര്‍ സിറ്റിസണ്‍സ് ഫോറം തിക്കോടി യൂണിറ്റ് തൃക്കോട്ടൂര്‍ യുപി സ്‌കൂളില്‍ സംഘടിപ്പിച്ച കുടുംബ സംഗമം ഉദ്ഘാടനം ചെയ്യുകയായിരുന്നു വീരാന്‍കുട്ടി. ശാന്ത കുറ്റിയില്‍ അധ്യക്ഷത വഹിച്ചു.
കെ.പി.എ.റഹീം പുരസ്‌കാര ജേതാവ് തിക്കോടി നാരായണന്‍, തിരുന്നാവായ നവജീവന്‍ ട്രസ്റ്റ് സാഹിത്യ പ്രതിഭ പുരസ്‌കാര ജേതാവ് ഇബ്രാഹിം തിക്കോടി എന്നിവരെ ആദരിച്ചു. ജില്ലാ ജോയിന്റ് സെക്രട്ടറി കെ.പി.വിജയ, സ്റ്റേറ്റ് കൗണ്‍സിലര്‍ ബാലന്‍ കേളോത്ത്, പി.കെ.ശ്രീധരന്‍, കാട്ടില്‍ മുഹമ്മദലി, കെ.എം.അബൂബക്കര്‍, രവി നവരാഗ്, കാദര്‍, കെ.പി.വിജയന്‍ പൊയില്‍ക്കാവ്, വേണു കൈനാടത്ത്, സുമതി വായാടി എന്നിവര്‍ സംസാരിച്ചു.
പി.രാമചന്ദ്രന്‍ നായര്‍ സ്വാഗതം പറഞ്ഞു. മുതിര്‍ന്നവരുടെയും കുട്ടികളുടെയും കലാപരിപാടികള്‍ അരങ്ങേറി.
