മേപ്പയ്യൂര്‍: ചങ്ങരം വെളളിയിലും അരിക്കുളം മേലിപ്പുറത്ത് ഭാഗത്തും കുറുക്കന്റെ
ആക്രമത്തില്‍ ആറ് പേര്‍ക്ക് കടിയേറ്റു. പരിക്കേറ്റവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പുതുക്കുടി മീത്തല്‍ സരോജിനിയെ കുട്ടികളെ ആക്രമിക്കാന്‍ ശ്രമിക്കുന്നതിനിടയിലാണ് വീടിന്റെ മുന്‍വശത്തുവെച്ച് കടിച്ചത്.
മുഖത്തും തലയിലും ഇരു കൈകളിലും,കാലിലും കടിയേറ്റു. നന്ദനാത്ത് പ്രകാശനെ സൊസൈറ്റി പാല് കൊടുക്കാന്‍ പോകുമ്പോഴും മഠത്തില്‍ കണ്ടി പ്രമീളയെ വീടിനു പരിസരത്ത് നിന്നുമാണ് കടിച്ചത്. കുറുക്കനെ നാട്ടുകാര്‍ തല്ലിക്കൊന്നു.
പ്രദേശത്ത് കുറക്കന്റെ ശല്യം കൂടിയതായി നാടുകാര്‍ പറയുന്നു. അരിക്കുളം, മേപ്പയൂര്‍ ഗ്രാമപഞ്ചായത്ത് അധികൃതര്‍ ജനങ്ങളോട് ജാഗ്രത പാലിക്കണമെന്ന് അഭ്യര്‍ഥിച്ചു.
