തിരുവനന്തപുരം: സംസ്ഥാന വനിതാ കമ്മീഷന് അധ്യക്ഷയ്ക്ക് വാട്സ്ആപ്പ് വഴി അശ്ലീല സന്ദേശങ്ങളും ദൃശ്യങ്ങളും അയച്ച യുവാവ് അറസ്റ്റില്. കണ്ണൂര് തളിപ്പറമ്പ് കുരുമാത്തൂര് മുയ്യം സ്വദേശി ജഗദീഷിനെയാണ് (37) തിരുവനന്തപുരം സിറ്റി സൈബര് ക്രൈം പോലീസ് അറസ്റ്റ് 
ചെയ്തത്. വനിതാ കമ്മീഷന് അധ്യക്ഷ നല്കിയ പരാതിയുടെ അടിസ്ഥാനത്തില് ഐപി അഡ്രസ് ഉള്പ്പെടെയുള്ള ശാസ്ത്രീയ തെളിവുകള് ശേഖരിച്ചാണ് പ്രതിയെ കണ്ടെത്തിയത്.
പ്രതിയുടെ മൊബൈല് ഫോണ് പരിശോധിച്ചതില്നിന്ന് ഇയാള് മറ്റ് നിരവധി സ്ത്രീകള്ക്കും സമാനമായ രീതിയില് അശ്ലീല സന്ദേശങ്ങളും ദൃശ്യങ്ങളും അയച്ചിട്ടുള്ളതായി പോലീസ് കണ്ടെത്തി. തിരുവനന്തപുരം സിറ്റി പോലീസ് കമ്മീഷണര് കെ.കാര്ത്തികിന്റെ നിര്ദേശപ്രകാരം രൂപീകരിച്ച പ്രത്യേക അന്വേഷണ സംഘം തളിപ്പറമ്പില് നിന്നാണ് പ്രതിയെ പിടികൂടിയത്. പ്രതിയെ കോടതിയില് ഹാജരാക്കി റിമാന്റ് ചെയ്തു.
