പാലക്കാട്: തോമസ് ഐസക്കിനോട് സ്നേഹം മാത്രമാണുള്ളതെന്നും സംസ്കാരം സമരം ചെയ്താല് കിട്ടുന്നതല്ലെന്നും പാലക്കാട്ടെ യുഡിഎഫ് സ്ഥാനാര്ഥി രമേഷ് പിഷാരടി. 
അനാവശ്യപരാമര്ശങ്ങള്ക്കില്ലെന്നും രമേഷ് പിഷാരടി പറഞ്ഞു.
ഐസക്കിനോട് ഒപ്പം നിന്ന് മറുപടി പറയാനില്ല. കലാകാരന്മാര് എന്നാണ് സിപിഎമ്മിന് വെറുക്കപ്പെട്ടവരായതെന്നു രമേഷ് പിഷാരടി ചോദിച്ചു. ഒപ്പം നില്ക്കാത്തവര് വെറുക്കപ്പെടേണ്ടവര് ആണെന്ന നിലപാട് ശരിയല്ലെന്നും രമേഷ് പറഞ്ഞു.
കോമാളി വേഷം കെട്ടുന്ന നടന്മാരെ സ്ഥാനാര്ഥിയാക്കിയിട്ട് വോട്ട് കിട്ടുന്നില്ല എന്ന് 
പറഞ്ഞിട്ട് വല്ല കാര്യവുമുണ്ടോ എന്നായിരുന്നു തോമസ് ഐസക്കിന്റെ പരാമര്ശം. പാലക്കാട് എല്ലാ പ്രചാരണങ്ങള്ക്കും മുകളില് ജനങ്ങള് എന്റെ സ്ഥാനാര്ഥിത്വം ഏറ്റെടുത്തുകഴിഞ്ഞുവെന്ന് പിഷാരടി പറഞ്ഞു. സാധാരണ സിനിമയെ കുറിച്ച് പറയാറുണ്ട്, മൗത്ത് പബ്ലിസിറ്റി ലഭിച്ചാല് വിജയം ഉറപ്പെന്ന്. അത് ഇവിടെയും കാണുന്നുണ്ട്. എല്ലാ പ്രചാരണവും ജനം മനസിലാക്കുന്നുണ്ടെന്നും രമേഷ് പിഷാരടി പറഞ്ഞു.
