ഖ​ത്ത​റി​ൽ സൈ​നി​ക ഹെ​ലി​കോ​പ്റ്റ​ർ ത​ക​ർ​ന്നു​വീ​ണു; ആ​റു മ​ര​ണം

ദോ​ഹ: ഖ​ത്ത​റി​ൽ ഹെ​ലി​കോ​പ്റ്റ​ർ ത​ക​ർ​ന്നു​വി​ണു​ണ്ടാ​യ അ​പ​ക​ട​ത്തി​ൽ ആ​റ് പേ​ർ മ​രി​ച്ചു. ഹെ​ലി​കോ​പ്റ്റ​റി​ൽ ഉ​ണ്ടാ​യി​രു​ന്ന ഏ​ഴു​പേ​രി​ൽ ആ​റു പേ​രു​ടെ മൃ​ത​ദേ​ഹ​ങ്ങ​ൾ തെ​ര​ച്ചി​ലി​ൽ ക​ണ്ടെ​ത്തി.

ആ​റു പേ​രു​ടെ മ​ര​ണം ആ​ഭ്യ​ന്ത​ര മ​ന്ത്രാ​ല​യം വാ​ർ​ത്താ കു​റി​പ്പി​ലൂ​ടെ സ്ഥി​രീ​ക​രി​ക്കു​ക​യാ​യി​രു​ന്നു. വി​വി​ധ സു​ര​ക്ഷാ വി​ഭാ​ഗ​ങ്ങ​ൾ സം​യു​ക്ത​മാ​യാ​ണ് തെ​ര​ച്ചി​ൽ ന​ട​ത്തി​യ​ത്. കാ​ണാ​താ​യ ഏ​ഴാ​മ​ത്തെ ആ​ൾ​ക്ക് വേ​ണ്ടി തെ​ര​ച്ചി​ൽ തു​ട​രു​ക​യാ​ണ്. നിരീക്ഷണ പറക്കലിനിടെ പേർഷ്യൻ – ഗൾഫ് സമുദ്രാതിർത്തിയിലാണ് ഹെലികോപ്ടർ തകർന്നുവീണത്.  സാ​ങ്കേ​തി​ക കാ​ര​ണം മൂ​ല​മാ​ണ് അ​പ​ക​ട​മെ​ന്നാ​ണ് വി​ശ​ദീ​ക​ര​ണം. ഖ​ത്ത​റി​ലെ പ്ര​തി​രോ​ധ​മ​ന്ത്രാ​ല​യ​വും ആ​ഭ്യ​ന്ത്ര മ​ന്ത്രാ​ല​യ​വും ഇ​ക്കാ​ര്യം സ്ഥി​രീ​കരി​ച്ചു. ജനറൽ ഡയറക്ടറേറ്റ് ഓഫ് കോസ്റ്റ്സ് ആൻഡ് ബോർഡേഴ്‌സ് സെക്യൂരിറ്റിയുടെ മാരിടൈം സെർച്ച് ആൻഡ് റെസ്‌ക്യൂ ടീം, ആഭ്യന്തര സുരക്ഷാ സേനയുടെ ഖത്തർ ഇന്റർനാഷണൽ സെർച്ച് ആൻഡ് റെസ്‌ക്യൂ ഗ്രൂപ്പ് എന്നിവർ സംയുക്തമായാണ് പ്രദേശത്ത് തെരച്ചിൽ നടത്തുന്നത്. അപകടത്തിൽ മരിച്ചവരുടെ കുടുംബത്തോട് അഗാധമായ ദുഃഖം രേഖപ്പെടുത്തുന്നുവെന്ന് ഖത്തർ ആഭ്യന്തരമന്ത്രാലയം അറിയിച്ചു.