ടെഹ്റാന്: അയല് രാജ്യങ്ങളെ ആക്രമിക്കില്ലെന്ന് അറിയിച്ച് ഇറാന്. പ്രസിഡന്റ് മസൂദ് പെസഷ്കിയാനാണ് ഇക്കാര്യം വ്യക്തമാക്കിയത്. അയല്രാജ്യങ്ങളില് നിന്ന് ഇറാനെ 
ലക്ഷ്യമാക്കി ആക്രമണങ്ങള് ഉണ്ടാവരുതെന്നും പെസഷ്കിയാന് വ്യക്തമാക്കി. ഇത്തരത്തില് അയല് രാജ്യങ്ങളില് നിന്ന് ഇറാനെ ആക്രമിച്ചാല് അതിന് തിരിച്ചടിയുണ്ടാവുമെന്ന സൂചനയും പെസഷ്കിയാന് നല്കി. അയല്രാജ്യങ്ങളില് നടത്തിയ ആക്രമണങ്ങളില് ഇറാന് പ്രസിഡന്റ് ക്ഷമ ചോദിക്കുകയും ചെയ്തിട്ടുണ്ട്.
കൊളോണിയല് ധാര്ഷ്ട്യത്തിന് മുന്നില് കീഴടങ്ങില്ലെന്നും ഇറാന് പ്രസിഡന്റ് പറഞ്ഞു. ഭിന്നതകള് മാറ്റിവെച്ച് അവസാനശ്വാസം വരെ ഇറാനികള് സ്വന്തം രാജ്യത്തിന് വേണ്ടി പോരാടുമെന്നും അദ്ദേഹം പറഞ്ഞു. ഗള്ഫ് രാജ്യങ്ങള്ക്ക് നേരെ ഇറാന് നടത്തിയ 
ആക്രമണങ്ങളില് വ്യാപക വിമര്ശനം ഉയരുന്നതിനിടെയാണ് പെസഷ്കിയാന്റെ പരാമര്ശം.
