വടകര: സംസ്ഥാന വോളിബോള് റഫറീസ് ടെസ്റ്റ് പാസായവര്ക്കുള്ള സര്ട്ടിഫിക്കറ്റ് വിതരണം വടകര ഐപിഎം അക്കാദമിയില് നടന്നു. ടെസ്റ്റ്
പാസായ ഈ മേഖലയിലെ 12 പേര് സര്ട്ടിഫിക്കറ്റ് ഏറ്റുവാങ്ങി. റായ്പുരില് നടന്ന ഫെഡറേഷന് കപ്പ് വോളിബോള് പുരുഷ മത്സരത്തില് രണ്ടാം സ്ഥാനം നേടിയ കേരള ടീം മുഖ്യ പരിശീലകനും ഐപിഎം കോച്ചുമായ വി.എം.ഷീജിത്തിനെ ചടങ്ങില് ആദരിച്ചു. വെസ്റ്റ് ബംഗാളില് നടക്കുന്ന ദേശീയ സബ് ജൂനിയര് വോളിബോള് ചാമ്പ്യന്ഷിപ്പില്, എസ്ആര്സി ആയി വിഎഫ്ഐ നോമിനേറ്റ് ചെയ്ത ജില്ലാ വോളിബോള് അസോസിയേഷന് സെക്രട്ടറി കെ.കെ.മുസ്തഫക്ക് യാത്രയയപ്പ് നല്കി. ചടങ്ങ് വടകര നഗരസഭ ചെയര്പേഴ്സണ് പി.കെ.ശശി ഉദ്ഘാടനം ചെയ്തു. രാഘവന് മാണിക്കോത്ത് അധ്യക്ഷത വഹിച്ച ചടങ്ങില് കെ.പി.ചന്ദ്രശേഖരന്, എം.പ്രസാദ്, ടി.പി.മുസ്തഫ, സി.വി.വിജയന്, എം.മുരളീധരന്, ടി.എച്ച്.അബ്ദുല് മജീദ്, സുധാകരന് കരിമല, വി.കെ.പ്രദീപന്, പി.കെ.വിജയന് എന്നിവര് സംസാരിച്ചു.
- Latest
- Trending
