മാവേലിസ്റ്റോറിന് മുന്നില്‍ ചളിയും വെള്ളവും; ഉപഭോക്താവിന് കഷ്ടകാലം

അരൂര്‍: മാവേലി സ്‌റ്റോറില്‍ സാധനങ്ങള്‍ വാങ്ങാന്‍ എത്തുന്നവര്‍ ചളിയും വെള്ളവും താണ്ടേണ്ട അവസ്ഥ. അരൂര്‍ മാവേലി സ്റ്റോറിന് മുമ്പിലാണ് ഈ ദുരവസ്ഥ. ചളിയും വെള്ളവും കെട്ടി നില്‍ക്കുന്നതുകാരണം സ്റ്റോറിലെത്താന്‍ ബുദ്ധിമുട്ടുകയാണ് ആളുകള്‍. ടെലഫോള്‍ എക്‌സ്‌ചേഞ്ചിനോട് ചേര്‍ന്നാണ് അരൂര്‍ മാവേലി സ്റ്റോര്‍. മഴ പെയ്യുന്നതോടെ മാവേലി സ്റ്റോറില്‍ നിന്ന് സാധനങ്ങള്‍ വാങ്ങാന്‍ കഴിയാത്ത സ്ഥിതിയാണ്. പല തവണ പ്രയാസം അധികാരികളുടെ ശ്രദ്ധയില്‍ പെടുത്തിയിട്ടും പരിഹാരമുണ്ടാകുന്നില്ലെന്നാണ് പരാതി. ചളി കാരണം സാധനങ്ങള്‍ വാങ്ങാനും തിരിച്ചു പോകാനും കഷ്ടപ്പെടുകയാണ്. പ്രായമായവരാണ് ശരിക്കും പ്രയാസപ്പെടുന്നത്.