വടകര: പുഴക്ക് കുറുകെ സ്ഥാപിച്ച ജലവിതരണ പൈപ്പുകള്‍ ഒഴുകി പോയതിനാല്‍ വളയം, വാണിമേല്‍ പഞ്ചായത്തുകളില്‍
കുടിവെള്ള വിതരണം നിലച്ചു. വളയം നിരവുമ്മല്‍, വാണിമേല്‍ ഇരുന്നലാട് എന്നീ ജലസംഭരണിയിലേക്ക് വെള്ളമെത്തിക്കുന്ന പ്രധാന പൈപ്പുകളാണ് താവോട്ടുമുക്ക് പുഴയിലെ കുത്തൊഴിക്കിനെ തുടര്‍ന്ന് ഒഴുകി പോയത്. ഇതിനെ തുടര്‍ന്നാണ് ഈ രണ്ട് പഞ്ചായത്തിലേക്കുള്ള കുടിവെളള വിതരണം പൂര്‍ണമായും തടസ്സപ്പെട്ടത്. പുഴയിലെ ശക്തമായ നീരൊഴുക്ക് കാരണം നിലവില്‍ യാതൊരുവിധ
അറ്റകുറ്റപണികളും നടത്തുവാന്‍ കഴിയാത്ത സ്ഥിതിയുമായി. നീരൊഴുക്കും മഴയുടെ കാഠിന്യവും കുറയുന്ന മുറക്ക് തകരാര്‍ പരിഹരിക്കുന്നതിനുളള നടപടി സ്വീകരിക്കുമെന്ന് വാട്ടര്‍ അതോറിറ്റി അസി. എക്്‌സിക്യൂട്ടീവ് എഞ്ചിനിയര്‍ അറിയിച്ചു.
