റേഷന്‍ കാര്‍ഡ് മസ്റ്ററിംഗ് നടത്തണം

വടകര: മുന്‍ഗണന റേഷന്‍ കാര്‍ഡുകളില്‍ (മഞ്ഞ, പിങ്ക്) ഉള്‍പ്പെട്ട അംഗങ്ങളില്‍ നാട്ടില്‍ താമസമുണ്ടായിട്ടും നാളിതുവരെയായി മസ്റ്ററിംഗ് ചെയ്യാത്തവര്‍ 2025 മെയ് 31 നു മുമ്പായി മസ്റ്ററിംഗ് നിര്‍ബന്ധമായും നടത്തേണ്ടതാണെന്ന് താലൂക്ക് സപ്ലൈ ഓഫീസര്‍ അറിയിച്ചു. നിശ്ചിത സമയപരിധിക്കകം മസ്റ്ററിംഗ് നടത്താത്തവരുടെ റേഷന്‍ വിഹിതം തുടര്‍ന്നുള്ള മാസങ്ങളില്‍ ലഭിക്കാത്ത സാഹചര്യമുണ്ടാകുന്നതിനാല്‍ തങ്ങളുടെ റേഷന്‍ കാര്‍ഡിലെ മുഴുവന്‍ അംഗങ്ങളും മസ്റ്ററിംഗ് ചെയ്തു എന്ന് ഉറപ്പുവരുത്തേണ്ടതാണ്.
എല്ലാ റേഷന്‍ കടകളിലും, താലൂക്ക് സപ്ലൈ ഓഫീസിലും 31/05/2025 വരെ പ്രവൃത്തി സമയങ്ങളില്‍ ഇ-പോസ് മെഷീന്‍, എൈറിസ് സ്‌കാനര്‍, ഫേസ് ആപ്പ് എന്നീ സൗകര്യങ്ങളില്‍ ഏതെങ്കിലും ഉപയോഗിച്ച് മസ്റ്ററിംഗ് ചെയ്യാവുന്നതാണ്.