അഴിയൂര്‍: അഴിയൂരില്‍ കിണര്‍ കുഴിക്കുന്നതിനിടെ അപകടം; ഒരാള്‍ മണ്ണിനടിയില്‍ കുടുങ്ങി. അഴിയൂര്‍രണ്ടാം വാര്‍ഡില്‍
ഹാജിയാര്‍ പള്ളി റോഡില്‍ ഇന്നുച്ചയോടെയാണ് അപകടം. രണ്ട് പേരാണ് കിണറില്‍ ഉണ്ടായിരുന്നത്. ഇതിനിടെ മണ്ണിടിയുകയായിരുന്നു. ഒരാളെ രക്ഷപ്പെടുത്തി.
മറ്റേയാളെ രക്ഷപ്പെടുത്താനുള്ള ശ്രമം തുടരുകയാണ്. അഴിയൂര്‍ മൂന്നാം ഗേറ്റിലെ വേണുവിനെയാണ് രക്ഷപ്പെടുത്തിയത്. ഇദ്ദേഹത്തെ
തലശേരി സഹകരണാശുപത്രിയില്‍ പ്രവേശപ്പിച്ചു.
മാഹിയിലെയും വടകരയിലെയും ഫയര്‍ഫോഴ്‌സ്‌ സ്ഥലത്തെത്തിയിട്ടുണ്ട്. മണ്ണ് നീക്കി രക്ഷപ്പെടുത്താനുള്ള ശ്രമം നടക്കുകയാണ്. ചോമ്പാല പോലീസും സ്ഥലത്തുണ്ട്.
