നാദാപുരം: അച്ചടക്കവും സാമൂഹ്യ പ്രതിബന്ധതയുമുള്ള യുവ തലമുറയെ വാര്‍ത്തെടുക്കുന്ന സ്റ്റുഡന്റസ് പോലീസ് സീനിയര്‍
കേഡറ്റുകളുടെ പാസിങ് ഔട്ട് പരേഡ് വെള്ളിയോട് ജിഎച്ച്എസ്എസ് സ്‌കൂള്‍ ഗ്രൗണ്ടില്‍ നടന്നു. വെള്ളിയോട്, ജിഎച്ച്എസ്എസ് വളയം, എസ്‌ഐഎച്ച്എസ്എസ് ഉമ്മത്തൂര്‍ എന്നിവയുടെ സംയുക്താഭിമുഖ്യത്തിലായിരുന്നു പരേഡ്. മൂന്ന് വര്‍ഷത്തെ പരിശീലനത്തിനു ശേഷമാണ് പാസിങ് ഔട്ട് പരേഡ് നടക്കുന്നത്. നാദാപുരം ഡിവൈഎസ്പി എ.പി ചന്ദ്രന്‍ സല്യൂട്ട് സ്വീകരിച്ചു.
വാര്‍ഡ് മെമ്പര്‍ ഷൈനി, വളയം എസ്‌ഐ ആര്‍.സി ബിജു, എഡിഎന്‍ഒ സുനില്‍കുമാര്‍, വെള്ളിയോട് സ്‌കൂള്‍ പ്രിന്‍സിപ്പല്‍
കെ.പി ഗിരീശന്‍, ഇന്‍ചാര്‍ജ് കെ.അബ്ദുല്‍ മുനീര്‍, പിടിഎ പ്രസിഡന്റ് കെ.പി രാജന്‍, ഉമ്മത്തൂര്‍ സ്‌കൂള്‍ ഹെഡ്മാസ്റ്റര്‍ കുഞ്ഞബ്ദുള്ള, വളയം സ്‌കൂളിലെ പിടിഎ പ്രസിഡന്റ് സജിലേഷ്, വളയം സിപിഒ മാരായ കുഞ്ഞുമോള്‍, അനൂപ്, അനീവന്‍, ശ്രീജിത്ത്, എന്നിവരും പരേഡില്‍ പങ്കെടുത്തു.
