തയ്യാറെടു​പ്പി​ന്‍റെ സൂ​ച​ന; വ്യോ​മാ​ഭ്യാ​സം ന​ട​ത്തി ഇ​ന്ത്യ

ന്യൂ​ഡ​ൽ​ഹി: പ​ഹ​ൽ​ഗാ​മി​ലെ ഭീ​ക​രാ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ൽ വ്യോ​മാ​ഭ്യാ​സം ന​ട​ത്തി പാ​ക്കി​സ്ഥാ​ന് ഇ​ന്ത്യ​യു​ടെ മു​ന്ന​റി​യി​പ്പ്. ആ​ക്ര​മ​ണ്‍ എ​ന്ന പേ​രി​ൽ സെ​ന്‍​ട്ര​ൽ സെ​ക്ട​റി​ലാ​ണ് വ്യോ​മാ​ഭ്യാ​സം ന​ട​ത്തി​യ​ത്. പാ​ക്കി​സ്ഥാ​നും ഇ​ന്ത്യ​യും ത​മ്മി​ലു​ള്ള ഭി​ന്ന​ത രൂ​ക്ഷ​മാ​കു​ന്ന​തി​നി​ടെ​യാ​ണ് തയ്യാറെ​ടു​പ്പി​ന്‍റെ സൂ​ച​ന ന​ൽ​കി​യു​ള്ള വ്യോ​മാ​ഭ്യാ​സം.
സെ​ന്‍​ട്ര​ൽ ക​മാ​ന്‍​ഡി​ൽ റ​ഫാ​ൽ, സു​ഖോ​യ് യു​ദ്ധ​വി​മാ​ന​ങ്ങ​ള്‍ അ​ണി​നി​ര​ത്തി​യാ​ണ് വ്യോ​മാ​ഭ്യാ​സം ന​ട​ത്തി​യ​ത്. നാ​വി​ക​സേ​ന യു​ദ്ധ ക​പ്പ​ലാ​യ ഐ​എ​ൻ​എ​സ് സൂ​റ​ത്തി​ൽ നി​ന്ന് മി​സൈ​ൽ പ​രി​ശീ​ല​നം വി​ജ​യ​ക​ര​മാ​യി പൂ​ർ​ത്തി​യാ​ക്കി.
ഇ​തി​നി​ടെ ബി​എ​സ്എ​ഫ് ജ​വാ​നെ പാ​ക്കി​സ്ഥാ​ൻ ക​സ്റ്റ​ഡി​യി​ലെ​ടു​ത്തു. പ​ഞ്ചാ​ബ് അ​തി​ർ​ത്തി​യി​ലാ​ണ് സം​ഭ​വം. ബി​എ​സ്എ​ഫ് കോ​ൺ​സ്റ്റ​ബി​ൾ പി.​കെ. സിം​ഗി​നെ​യാ​ണ് പാ​ക്കി​സ്ഥാ​ൻ ക​സ്റ്റ​ഡി​യി​ലെ​ടു​ത്ത​ത്.
ജ​വാ​ന്‍റെ മോ​ച​ന​ത്തി​നാ​യി ഇ​രു സേ​ന​ക​ളും ത​മ്മി​ൽ ച​ർ​ച്ച​ക​ൾ ന​ട​ക്കു​ന്ന​താ​യും റി​പ്പോ​ർ​ട്ടു​ണ്ട്. അ​ന്താ​രാ​ഷ്ട്ര അ​തി​ർ​ത്തി ക​ട​ന്നെ​ന്ന് ആ​രോ​പി​ച്ച് ജ​വാ​നെ പാ​ക്കി​സ്ഥാ​ൻ ക​സ്റ്റ​ഡി​യി​ലെ​ടു​ത്തെ​ന്നാ​ണ് വി​വ​രം.
ക​സ്റ്റ​ഡി​യി​ലെ​ടു​ക്കു​ന്ന സ​മ​യം ജ​വാ​ൻ യൂ​ണീ​ഫോ​മി​ലാ​യി​രു​ന്നു. ഇ​ദ്ദേ​ഹ​ത്തി​ന്‍റെ കൈ​യി​ൽ സ​ർ​വീ​സ് റൈ​ഫി​ളും ഉ​ണ്ടാ​യി​രു​ന്നു. അ​ബ​ദ്ധ​ത്തി​ൽ അ​തി​ർ​ത്തി​ക്ക​പ്പു​റം എ​ത്തി​യ​പ്പോ​ഴാ​ണ് ജ​വാ​നെ പാ​ക്കി​സ്ഥാ​ൻ ക​സ്റ്റ​ഡി​യി​ലെ​ടു​ത്ത​തെ​ന്നാ​ണ് വി​വ​രം.
സീ​റോ ലൈ​ൻ ക​ഴി​ഞ്ഞ് 30 മീ​റ്റ​ർ അ​ക​ലെ വ​ച്ചാ​ണ് ബി​എ​സ്എ​ഫ് ജ​വാ​നെ ക​സ്റ്റ​ഡി​യി​ലെ​ടു​ത്ത​ത്.