പേരാമ്പ്രയില്‍ ബൈക്കിടിച്ച് ഏഴുവയസുകാരന്‍ മരിച്ചു

പേരാമ്പ്ര: പേരാമ്പ്രയില്‍ വീട്ടില്‍ നിന്നു റോഡിലേക്കിറങ്ങിയ ഏഴു വയസുകാരന്‍ ബൈക്കിടിച്ചു മരിച്ചു. കക്കാട് മരുതോറചാലില്‍ സബീഷിന്റെ മകന്‍ ധ്യാന്‍ദേവാണ് മരിച്ചത്. വീട്ടില്‍ നിന്നു പുറത്തേക്കിറങ്ങിയ കുട്ടിയെ റോഡിലൂടെ പോകുകയായിരുന്ന ബുള്ളറ്റ് ബൈക്ക് ഇടിക്കുകയായിരുന്നു. ഗുരുതരമായി പരിക്കേറ്റ കുട്ടിയെ പേരാമ്പ്രയിലെ ഇഎംഎസ് ആശുപത്രിയിലും തുടര്‍ന്ന് മൊടക്കല്ലൂര്‍ എംഎംസി ഹോസ്പിറ്റലിലും എത്തിച്ചെങ്കിലും രക്ഷിക്കാനായില്ല. പേരാമ്പ്ര എയുപി സ്‌കൂള്‍ രണ്ടാം ക്ലാസ് വിദ്യാര്‍ഥിയാണ് ധ്യാന്‍ ദേവ്. അമ്മ: രമ്യ. സഹോദരന്‍ ആദിദേവ്.