മടപ്പള്ളി: പടക്ക നിര്‍മാണത്തിന് നിയമ വിരുദ്ധമായി സൂക്ഷിച്ച സ്‌ഫോടക വസ്തുക്കളും അനുബന്ധ സാമഗ്രികളും
ചോമ്പാല പോലീസ് പിടിച്ചെടുത്തു. മടപ്പള്ളി കരുനിലം കുനിയില്‍ ചന്ദ്രന്‍ എന്നയാളുടെ വീട്ടില്‍ നിന്നാണ് ഇവ പിടികൂടിയത്. അനധികൃതമായി സ്‌ഫോടകവസ്തുക്കള്‍ സൂക്ഷിച്ചിട്ടുണ്ടെന്ന രഹസ്യവിവരത്തിന്റെ അടിസ്ഥാനത്തില്‍ ചോമ്പാല പോലീസ് ഇന്‍സ്‌പെക്ടര്‍ പി.വികാസിന്റെ നേതൃത്വത്തില്‍ സബ് ഇന്‍സ്‌പെക്ടര്‍ പി.അനില്‍ കുമാര്‍, എഎസ്‌ഐ 
ചിത്രദാസ്, എസ്‌സിപി ഒ.ലിനീഷ്, സിപിഒമാരായ രമ്യ, അജേഷ് എന്നിവരടങ്ങിയ സംഘമാണ് വീട് പരിശോധിച്ച് സ്‌ഫോടക വസ്തുക്കളും അനുബന്ധ സാമഗ്രികളും പിടിച്ചെടുത്തത്. വിവിധ വകുപ്പുകള്‍ പ്രകാരം വീട്ടുടമക്കെതിരെ കേസ് രജിസ്റ്റര്‍ ചെയ്തു.
