വടകര: സര്‍ക്കാര്‍ ഓഫീസുകള്‍ പ്രവര്‍ത്തന സമയം കാലത്ത് 10 മണി മുതല്‍ വൈകിട്ട് 5 മണി വരെ ആണെന്നിരിക്കെ വടകര 
ആര്‍ടിഒ ഓഫീസില്‍ ഉച്ചയ്ക്ക് ഒരു മണി കഴിഞ്ഞാല്‍ ഓഫീസ് അടച്ചുപൂട്ടി ജനങ്ങള്‍ക്ക് പ്രവേശനം നിഷേധിച്ചിരിക്കുകയാണെന്ന് പരാതി. ഉച്ചവരെ ജോലി ചെയ്തു ഉച്ചയ്ക്ക് ശേഷം പല ആവശ്യങ്ങള്‍ക്കായി ഓഫീസിലെത്തുന്ന സാധാരണക്കാര്‍ക്ക് സേവനം ലഭിക്കുന്നില്ലെന്നാണ് ആക്ഷേപം.
ദിവസവും നിരവധി ആളുകള്‍ ഉച്ചയ്ക്ക് ശേഷം ഓഫീസില്‍ വന്ന് സേവനം 
ലഭിക്കാതെ മടങ്ങുകയാണെന്ന് കോണ്‍ഗ്രസ് വടകര മണ്ഡലം പ്രസിഡന്റ് വി.കെ.പ്രേമന്‍ പ്രസ്താവനയില്‍ പറഞ്ഞു. ജനവിരുദ്ധമായ പരിഷ്‌കാരങ്ങള്‍ നിര്‍ത്തി ഉച്ചയ്ക്ക് ശേഷവും ഓഫീസ് തുറന്ന് ജനങ്ങള്‍ക്ക് സേവനം ലഭ്യമാക്കണമെന്ന് വി.കെ.പ്രേമന്‍ ആവശ്യപ്പെട്ടു
