കൊയിലാണ്ടി: കൊല്ലം പിഷാരികാവ് കാളിയാട്ട മഹോത്സവത്തിന്റെ ഭാഗമായ ചെറിയവിളക്ക് നാളെ (വെള്ളി) ആഘോഷിക്കും. രാവിലെ കാഴ്ചശീവേലി, ഓട്ടന്തുള്ളല്, ക്ഷേത്രത്തിലേക്കുള്ള വണ്ണാന്റെ അവകാശവരവ്, തുടര്ന്ന്
കോമത്ത് പോക്ക് ചടങ്ങും നടക്കും. ക്ഷേത്രത്തിലെ പ്രധാന കോമരം ഉത്സവത്തിന് ക്ഷണിക്കാനായി കോമത്ത് തറവാട്ടിലേക്ക് പോകുന്ന ചടങ്ങാണ് കോമത്ത് പോക്ക്. വൈകീട്ട് 4 മണിക്ക് പാണ്ടിമേള സമേതമുള്ള കാഴ്ചശീവേലി, കാഞ്ഞിലശ്ശേരി വിനോദ് മാരാരുടെ മേളപ്രമാണത്തില് നടക്കും. രാത്രി 7 മണിക്ക് ഗോപീകൃഷ്ണമാരാരുടെയും കല്പ്പാത്തി ബാലകൃഷ്ണന്റെയും തായമ്പക, 7:30 ന് ചലച്ചിത്ര പിന്നണി ഗായകരായ രാജലക്ഷ്മി, ലിബിന് സ്കറിയ നയിക്കുന്ന ഗാനമേളയും ഉണ്ടായിരിക്കും.

