അഴിയൂര്‍ വേണുഗോപാല ക്ഷേത്ര മഹോത്സവം കൊടിയേറി

അഴിയൂര്‍: പ്രസിദ്ധമായ അഴിയൂര്‍ ശ്രീ വേണുഗോപാല ക്ഷേത്ര മഹോത്സവത്തിന് കൊടിയേറി. ക്ഷേത്രം തന്ത്രി ബ്രഹ്‌മശ്രീ പറവൂര്‍ രാകേഷ് തന്ത്രിയുടെ മുഖ്യകാര്‍മികത്വത്തില്‍ തിങ്കളാഴ്ച വൈകുന്നേരം 6.40നും 7.25 നും മധ്യേയുള്ള ശുഭമുഹൂര്‍ത്തത്തില്‍ തൃക്കൊടിയേറ്റം നടത്തി. തുടര്‍ന്ന് കരിമരുന്ന് പ്രയോഗം, അത്താഴപൂജ, ശ്രീഭൂതബലി എന്നീ ചടങ്ങുകള്‍ നടന്നു.
ഏപ്രില്‍ 7 വരെ എട്ടു ദിവസം നീണ്ടു നില്‍ക്കുന്ന മഹോത്സവത്തില്‍ ഏപ്രില്‍ 5 ന് രഥോത്സവം, 6 ന് പള്ളിവേട്ട, 7 ന് സമുദ്രത്തില്‍ തിരു ആറാട്ടിനു ശേഷം ക്ഷേത്രത്തില്‍ തിരിച്ചെത്തി ആറാട്ട് സദ്യയോടു കൂടി സമാപനം. ഉത്സവത്തോടനുബന്ധിച്ച് എല്ലാ ദിവസവും ഗണപതി ഹോമവും ഉച്ചയ്ക്ക് 12.30 മുതല്‍ 2.30 വരെ അന്നദാനവും ഉണ്ടായിരിക്കുന്നതാണ്.