റിയാദ്: ഒമാൻ ഒഴികെ ഗൾഫ് രാജ്യങ്ങളിൽ ഈദുൽ ഫിത്ർ ഞായറാഴ്ച. ശനിയാഴ്ച വൈകീട്ട് സൗദി മധ്യപ്രവിശ്യയിലെ 
തുമൈറിൽ മാസപ്പിറവി ദൃശ്യമായതിനെ തുടർന്ന് സൗദിയിലാണ് പെരുന്നാൾ ആദ്യം പ്രഖ്യാപിച്ചത്. തുടർന്ന് യുഎഇ, ഖത്തർ, കുവൈത്ത്, ബഹ്റൈൻ രാജ്യങ്ങളിലും മാസപ്പിറവി സ്ഥിരീകരിച്ചു.
തുമൈറിൽ മാസപ്പിറവി ദൃശ്യമായതിനെ തുടർന്ന് സൗദിയിലാണ് പെരുന്നാൾ ആദ്യം പ്രഖ്യാപിച്ചത്. തുടർന്ന് യുഎഇ, ഖത്തർ, കുവൈത്ത്, ബഹ്റൈൻ രാജ്യങ്ങളിലും മാസപ്പിറവി സ്ഥിരീകരിച്ചു.
ശനിയാഴ്ച റംസാന്‍ 29 പൂർത്തിയായതിനാൽ ശവ്വാൽ മാസപ്പിറവി നിരീക്ഷിക്കാൻ വിവിധ രാജ്യങ്ങളിൽ വിശ്വാസികളോട് ആഹ്വാനം ചെയ്തിരുന്നു. അതേസമയം ശവ്വാൽ മാസപ്പിറവി കാണാത്ത സാഹചര്യത്തിൽ റംസാന്‍
30 പൂർത്തിയാക്കി ചെറിയ പെരുന്നാൾ തിങ്കളാഴ്ചയായിരിക്കുമെന്ന് ഒമാൻ മതകാര്യമന്ത്രാലയം അറിയിച്ചു.
റംസാന്‍ 29 ശനിയാഴ്ച എല്ലാ ഗൾഫ് രാജ്യങ്ങളിലും മാസപ്പിറ ദർശിക്കുന്നതിന് വിപുലമായ സംവിധാനങ്ങൾ ഒരുക്കിയിരുന്നു. കേരളത്തിൽ നിന്ന് വ്യത്യസ്തമായി ഒരു ദിവസം നേരത്തെയാണ് ഗൾഫിൽ റംസാന്‍ ആരംഭിച്ചത്.
