കോഴിക്കോട് ഫ്ളാറ്റില്‍ നിന്ന് വീണ് ഏഴ് വയസുകാരന് ദാരുണാന്ത്യം

കോഴിക്കോട്: പാലാഴിക്കു സമീപം ഏഴുവയസുകാരന്‍ ഫ്ളാറ്റില്‍ നിന്ന് വീണു മരിച്ചു. നല്ലളം കീഴ്വനപാടം എംപി ഹൗസില്‍ മുഹമ്മദ് ഹാജിഷ്-ആയിശ ദമ്പതികളുടെ മകന്‍ ഇവാന്‍ ഹൈബല്‍ ആണ് മരിച്ചത്. ചൊവ്വാഴ്ച രാത്രി എട്ടു മണിയോടെയാണ് അപകടം.
കളിക്കുന്നതിനിടെ ബാല്‍ക്കണിയില്‍ കയറിയ കുട്ടി ഏഴാം നിലയില്‍നിന്ന് താഴേക്ക് പതിക്കുകയായിരുന്നു. ശബ്ദം കേട്ട് ഓടിയെത്തിയ സുരക്ഷ ജീവനക്കാരും മറ്റും ചേര്‍ന്ന് തൊട്ടടുത്ത സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. രണ്ട് വര്‍ഷത്തോളമായി ദമ്പതികള്‍ ഈ ഫ്‌ളാറ്റിലാണ് താമസം. പൊറ്റമ്മല്‍ ചിന്മയ സ്‌കൂള്‍ രണ്ടാം ക്ലാസ് വിദ്യാര്‍ഥിയാണ് ഇവാന്‍ ഹൈബല്‍.