പയ്യോളി: നവവധുവിനെ പയ്യോളിയിലെ ഭര്‍തൃവീട്ടില്‍ തൂങ്ങിമരിച്ച നിലയില്‍ കണ്ടെത്തി. പയ്യോളി മൂന്നു കുണ്ടന്‍ചാലില്‍ കേശവ് നിവാസില്‍ ഷാനിന്റെ ഭാര്യ കൊയിലാണ്ടി ചേലിയ കല്ലുവെട്ടുകുഴി ആര്‍ദ്ര ബാലകൃഷ്ണനാണ് (24) മരിച്ചത്. ഇന്നലെ രാത്രിയാണ് കിടപ്പുമുറിയോടു ചേര്‍ന്ന കുളിമുറിയില്‍ തൂങ്ങി മരിച്ച നിലയില്‍ കണ്ടെത്തിയത്. ഉടന്‍ ആശുപത്രിയില്‍
എത്തിച്ചെങ്കിലും മരണപ്പെട്ടിരുന്നു. ഫെബ്രുവരി രണ്ടിനായിരുന്നു ഇവരുടെ വിവാഹം. മാര്‍ച്ച് മൂന്നിന് ഷാന്‍ വിദേശത്തേക്ക് പോകാനിരിക്കെയാണ് മരണം. മൃതദേഹം കോഴിക്കോട് മെഡിക്കല്‍ കോളജ് മോര്‍ച്ചറിയില്‍ പോസ്റ്റ്‌മോര്‍ട്ടം നടത്തിയ ശേഷം ബന്ധുക്കള്‍ക്ക് വിട്ടുകൊടുക്കും. അച്ഛന്‍: ബാലകൃഷ്ണന്‍. അമ്മ: ഷീന.സഹോദരി: ആര്യ.
