അംഗനവാടി കലോത്സവം ; ‘ആടിയും പാടിയും കുരുന്നുകൾ’

തൂണേരി: ബ്ലോക്ക് പഞ്ചായത്ത് അംഗനവാടി കലോത്സവം കുരുന്നുകളുടെ കലാവിരുന്നായി.
“നക്ഷത്രപൂക്കൾ ” എന്ന കലോത്സവം ബ്ലോക്ക്

പഞ്ചായത്ത് പ്രസിഡണ്ട് കെ.പി.വനജ  ഉദ്ഘാടനം ചെയ്തു. ഏഴ് പഞ്ചായത്തുകളിലെ 194 അംഗനവാടികളിൽ നിന്നു മത്സരിച്ചു വിജയിച്ച 294  കുട്ടികളുടെ കലോത്സവമാണ് ‘നക്ഷത്ര പുക്കൾ’ എന്ന പേരിൽ എടച്ചേരി കമ്മ്യൂണിറ്റി ഹാളിൽ നടന്നത്. എടച്ചേരി ഗ്രാമപഞ്ചായത്ത് പ്രസിഡണ്ട് എൻ. പത്മിനി  അധ്യക്ഷത വഹിച്ചു. ബ്ലോക്ക്  പഞ്ചായത്ത് വൈസ് പ്രസിഡണ്ട് ടി. കെ അരവിന്ദാക്ഷൻ, സ്ഥിരം സമിതി അധ്യക്ഷരായ രജീന്ദ്രൻ കപ്പള്ളി, ബിന്ദുപുതിയോട്ടിൽ, ഗ്രാമപഞ്ചായത്ത് വൈസ് പ്രസിഡണ്ട് എം. രാജൻ, എടച്ചേരി ഗ്രാമപഞ്ചായത്ത് സ്ഥിരം സമിതി അധ്യക്ഷയായ സീമ വള്ളിൽ, ബ്ലോക്ക് ഞ്ചായത്ത് മെമ്പർ ഡാനിയ,സിഡിപിഒ ചിന്മയി എസ്ആനന്ദ്, അനു പാട്യംസ് എന്നിവർ സംസാരിച്ചു.