പ്രകടനം. ദിവാകരനെ തഴഞ്ഞതിനെതിരെ ഇരുപതോളം പേരാണ് ശനിയാഴ്ച രാത്രി നടുവയലില്‍ ശക്തമായ മുദ്രാവാക്യം വിളിച്ച് പ്രതിഷേധ പ്രകടനം നടത്തിയത്.
ജില്ലാ സെക്രട്ടറിയേറ്റ് അംഗം സി.ഭാസ്‌കരന്റെ നാടായ ഈ പ്രദേശം സിപിഎമ്മിന്റെ ശക്തികേന്ദ്രമായാണ് അറിയപ്പെടുന്നത്. ഇവിടെയും പി.കെ.ദിവാകരനു വേണ്ടി പ്രകടനം നടന്നത് സിപിഎമ്മിനു ക്ഷീണമായി.
വിഭാഗീയത തുടച്ചുനീക്കി പ്രസ്ഥാനത്തെ സംരക്ഷിക്കാന്‍ തയ്യാറാവുക സഖാക്കളെ എന്ന മുദ്രാവാക്യം ചില നേതാക്കള്‍ക്കുള്ള 
മുന്നറിയിപ്പായി. പാര്‍ട്ടി അംഗങ്ങള്‍ ആരുമില്ലെങ്കിലും സിപിഎമ്മിന്റെ സജീവ പ്രവര്‍ത്തകരാണ് പ്രകടനത്തില്‍ പങ്കെടുത്തവരെല്ലാം. പതിയാരക്കരയിലെ അഭിനന്ദാണ് പ്രകടനം നയിച്ചത്. പ്രകടനം നടക്കുമെന്ന് സൂചനയുണ്ടായതിനെ തുടര്‍ന്ന് പലരേയും പിന്തിരിപ്പിക്കാന്‍ നേതാക്കള്‍ നേരിട്ട് അഭ്യര്‍ഥിച്ചതായാണ് വിവരം.
ദിവാകരനെ ഒഴിവാക്കിയതിനു പിന്നാലെ അഞ്ചിടത്താണ് പ്രകടനം നടന്നിരിക്കുന്നത്.
