ചൂലെടുത്തത് എഎപി; ഡല്‍ഹിയി​ല്‍ തൂത്തുവാരി ബിജെപി

ന്യൂ​ഡ​ല്‍​ഹി: കാ​ല്‍​നൂ​റ്റാ​ണ്ടി​ന് ശേ​ഷം ഡ​ല്‍​ഹി​യി​ല്‍ ബി​ജെ​പി വീ​ണ്ടും അ​ധി​കാ​ര​ത്തി​ലേ​ക്ക്. ആ​ദ്യ​ഘ​ട്ടം മു​ത​ല്‍ എ​എ​പി​യെ ബ​ഹു​ദൂ​രം പി​ന്നി​ലാ​ക്കി​ക്കൊ​ണ്ടാ​ണ് ബി​ജെ​പി​യു​ടെ മു​ന്നേ​റ്റം. ഇ​ട​യ്ക്ക് ഇ​ഞ്ചോ​ടി​ഞ്ച് പോ​രാ​ട്ട​മെ​ന്ന പ്ര​തീ​തീ സൃ​ഷ്ടി​ക്കാ​ന്‍ എ​എ​പി​ക്ക് ക​ഴി​ഞ്ഞെ​ങ്കി​ലും അ​തി​വേ​ഗം ബി​ജെ​പി ലീ​ഡ് തി​രി​ച്ചു​പി​ടി​ച്ചു.
70 സീ​റ്റി​ലേ​ക്ക് ന​ട​ന്ന തെ​ര​ഞ്ഞെ​ടു​പ്പി​ൽ  47 സീ​റ്റു​ക​ളി​ൽ ബി​ജെ​പി​യും 23 സീ​റ്റു​ക​ളി​ൽ എ​എപിയുമാണ് ലീഡ് ചെയ്യുന്നത്. എ​ന്നാ​ൽ കോ​ണ്‍​ഗ്ര​സി​ന് ഒ​രു സീ​റ്റി​ല്‍ പോ​ലും ലീ​ഡ് നേ​ടാ​നാ​യി​ല്ല. ആ​ദ്യ​ഘ​ട്ടം മു​ത​ൽ ഒ​രു സീ​റ്റി​ൽ ലീ​ഡ് നി​ല​നി​ർ​ത്തി​യെ​ങ്കി​ലും വോ​ട്ടെ​ണ്ണ​ൽ അ​വ​സാ​ന​മി​നി​റ്റു​ക​ളി​ലേ​ക്ക് നീ​ങ്ങി​യ​പ്പോ​ൾ കോ​ൺ​ഗ്ര​സ് സം​പൂ​ജ്യ​രാ​യി മാ​റു​ക​യാ​യി​രു​ന്നു.
കേ​ജ​രി​വാ​ളി​നെ അ​ഴി​മ​തി​ക്കാ​ര​നാ​യി ചി​ത്രീ​ക​രി​ച്ച് എ​എ​പി​യു​ടെ കോ​ട്ട ത​ക​ര്‍​ത്തു​കൊ​ണ്ടാ​ണ് ഡ​ൽ​ഹി​യി​ൽ ബി​ജെ​പി​യു​ടെ ഗം​ഭീ​ര തി​രി​ച്ചു​വ​ര​വ്. അ​ഴി​മ​തി വി​രു​ദ്ധ പോ​രാ​ളി​യെ​ന്ന കേ​ജ​രി​വാ​ളി​ന്‍റെ ശ​ക്ത​മാ​യ പ്ര​തി​ച്ഛാ​യ തു​ട​ച്ചു​നീ​ക്കി​ക്കൊ​ണ്ടു​ള്ള പ്ര​ചാ​ര​ണ​ത്തി​നാ​ണ് ബി​ജെ​പി ഊ​ന്ന​ല്‍ കൊ​ടു​ത്ത​ത്. ഡ​ല്‍​ഹി മു​ന്‍ മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ളും മു​ഖ്യ​മ​ന്ത്രി അ​തി​ഷി മ​ര്‍​ലേ​ന​യും മു​ന്‍ മ​ന്ത്രി​ മ​നീ​ഷ് സി​സോ​ദി​യും അ​ട​ക്ക​മു​ള്ള പ്ര​മു​ഖ നേ​താ​ക്ക​ള്‍ ആ​ദ്യ​ഘ​ട്ടം മു​ത​ല്‍ പി​ന്നി​ലേ​ക്ക് പോ​യ​തും ഇ​തി​ന്‍റെ പ്ര​തി​ഫ​ല​ന​മാ​ണ്.
അ​തേ​സ​മ​യം ബാ​ദ്‌ലിയി​ൽ മാ​ത്ര​മാ​യി​രു​ന്നു ആ​ദ്യ​ഘ​ട്ട​ത്തി​ലെ​ങ്കി​ലും കോ​ണ്‍​ഗ്ര​സി​ന് ലീ​ഡു​ണ്ടാ​യി​രു​ന്ന​ത്. ഡ​ൽ​ഹി കോ​ൺ​ഗ്ര​സ് അ​ധ്യ​ക്ഷ​ൻ കൂ​ടി​യാ​യ ദേ​വേ​ന്ദ​ർ യാ​ദ​വാ​യി​രു​ന്നു ബാ​​ദ്‌ലി​യി​ൽ നി​ന്ന് ജ​ന​വി​ധി തേ​ടി​യ​ത്. എ​ന്നാ​ൽ വോ​ട്ടെ​ണ്ണ​ലി​ന്‍റെ അ​വ​സാ​ന​ഘ​ട്ട​ത്തി​ൽ ബി​ജെ​പി​യു​ടെ ആ​ഹി​ർ ദീ​പ​ക് ചൗ​ധ​രി ലീ​ഡ് നേ​ടു​ക​യാ​യി​രു​ന്നു.