വടകര: അടക്കാത്തെരുവിൽ കൊപ്രഭവനു സമീപം ഉണക്ക പുല്ലിനു തീപിടിച്ചത് പരിഭ്രാന്തി
പരത്തി. ഉച്ചയോടെയാണ് പൊടുന്നനെ തീ പടർന്നുപിടിച്ചത്. വടകര സ്റ്റേഷനിൽ നിന്ന് ഒരു യൂണിറ്റ് ഫയർഫോഴ്സ് എത്തി തീയണച്ചു. മാലിന്യത്തിനു തീയിട്ടതിൽ നിന്ന് പടർന്നതാവാനാണ് സാധ്യത. പെട്ടെന്നു നടപടി കൈക്കൊണ്ടതിനാൽ സമീപത്തെ ട്രാൻസ് ഹോമറിലേക്കടക്കം തീ പടരാതെ നോക്കാനായി.
സീനിയർ ഫയർ & റസ്ക്യു ഓഫീസർ ഒ.അനീഷിന്റെ നേതൃത്വത്തിലുള്ള സംഘത്തിൽ ഫയർ ഓഫീസർമാരായ എം.ടി റാഷിദ്, കെ.എം വിജീഷ്, എസ്.ആർ സാരംഗ്. കെ.പി റഷീദ്. എന്നിവരടങ്ങിയ സംഘമാണ് തീയണച്ചത്.
