കടമേരി: ആയഞ്ചേരി ഗ്രാമപഞ്ചായത്ത് കുടുംബാരോഗ്യ കേന്ദ്രത്തിന്റെ ആഭിമുഖ്യത്തില്‍
മൂന്നാം വാര്‍ഡ് കീരിയങ്ങാടിയില്‍ വെല്‍ വുമണ്‍ ക്ലിനിക് നടത്തി. വാര്‍ഡ് മെമ്പര്‍ ടി.കെ.ഹാരിസ് ഉദ്ഘാടനം ചെയ്തു. എല്ലാ മാസവും ആദ്യത്തെ ചൊവ്വാഴ്ച ക്ലിനിക് നടക്കും. സ്ത്രീസംബന്ധമായ അസുഖങ്ങള്‍ക്കും സംശയങ്ങള്‍ക്കും ഡോക്ടറുടെ സേവനം വീഡിയോ കോളിലൂടെ ക്ലിനിക്കില്‍ ലഭ്യമാക്കും.
കൂടാതെ പ്രഷര്‍, ഷുഗര്‍, എച്ച്ബി എന്നിവയുടെ സൗജന്യ പരിശോധനയും നടക്കും. കടമേരി എംയുപി സ്‌കൂളില്‍ നടന്ന ക്ലിനിക്കിന് ജെപിഎച്ച്എന്‍ ജയ, എംഎന്‍എസ് പി.ഫസീല, ആശാവര്‍ക്കര്‍ എം.ടി.കെ.ബീന എന്നിവര്‍ നേതൃത്വം നല്‍കി.
